[ اطلال الطمـــــــــــــــــــــــــــوح ..]

[فواز الفهيد]

بكيت لك ... من قبل لاتبكي وتنخاني أجيك = و نقلت همك قبل لا تنقل ... همومي و أنقلك ..
بكيت عنك ... وليتني أقدر أجي لك وأفتديك = ياليت تسمح لي الظروف / واقدر اني اوصلك ..
عنّك حدتني غربتي / وامور ماتخفى عليك = وعني حداك اللي جهلني .. قبل ماهو يجهلك ..
لافيه حلٍ في يدي و أدري ولاحل بـ يديك = مثل الجواب .. اللي مع الأيام .. عوّد يسألك ..
والوضع كل ماله يسوء ولا أفكر غير فيك = وأرسم بك أحلام الفقير .. ولا نقصت / أكملك ..
أوقف على اطلال الطموح وأشتكي لك وأشتكيك = وأسدل عن همومي ستار الدمع و أرجع أنهلك ..
أطيح بـ حروف السؤال اللي يعيش بناظريك = وتخنقني بـ صوتك تناهيد الفراق / وأصهلك ..
اجمعك بـ افكار القصيد وأنثرك وأرجع ابيك = وأرجع اخايل صورتك .. واشتاق لك و أتأملك ..
أن قلت ليه / أقول شفني طول وقتي / أحتريك = صعبه حياتي ياشقيق الروح وأقفت بـ أسهلك ..
بكيت لك ... من قبل لا تصرخ وتنخاني أجيك = و نقلت همك فوق هم الوقت من قبل .. أنقلك ..

[هم أنت]

صعبه حياتي ياشقيق الروح وأقفت بـ أسهلك ..
بكيت لك ... من قبل لا تصرخ وتنخاني أجيك = و نقلت همك فوق هم الوقت من قبل .. أنقلك ..

ياسلام__آحساس ولا آروع

[بعيوني غلاك وبقلبي هواك]

صح لسانك دمت بتألق دائم

[براقه النحر]

والــوضــع كــــل مــالــه يــســوء ولا أفــكــر غــيـــر فــيـــك
وأرسم بك أحلام الفقير .. ولا نقصت / أكملـك ..


ابداع والله لاعدمناه

[غلا الكويت]

صح لسانك على القصيدة .. ودائما مبدع .. يا فواز ..