ملفاتــــي

[راشد الفهيد]

حاولت ان اختار عنوان لزاويتى وماوجدت الا كلمة ملفاتى

كل ما أدونـه هنا من ابياتى وتعبر عن واقع راشد الفهيـد

واتمنى ان تنال اعجابكم ..

ولكم ودى

[راشد الفهيد]

عانيت فغيابك كثير وتألمت ... وياقو صبر القلب من عقب فرقاك


أكتم وأخفى لوعتى ماتكلمت ... وأضحك مع العالم ولاجيب طرياك


ولامرنى طيفك سكت وتبلمت ... وأسج مع طاريك وأروح وياك


وأخاف يدرى من حوالي ثم قمت ... خايف تبين حالتى من سواياك


تدرى ليا منى غفيت وتحلمت ... أنت الوحيد اللى نشوفك ونلقاك


وتدرى وش اللى فى غيابك تعلمت ... أن الفراق أصعب من الموت لاجاك

[راشد الفهيد]

رجعت اصلح غلطتى واعتـذرلك .... بااللى حصل منى وانا كنت غلطان


ويدفعنى احساسى وقلبى وهبلك... شوق وغلا مايملكه اى انسان


حتـى القلـم بـبيـات شعـرى كتبلـك ... مابيـن هـم وحـزن وافراق خــلان


وحتـى بعد قلبـى بنبضـه نبضلـك .... ينبض بـأسمك دايم بكل الاحيــان


وحتـى بعد عقلـى وفكـرى رسملــك .... صوره جميـله ماتقـدر بالاثمان


وحتـى عيونى فالغياب اسهرتلك .... والدمعه اللى حايره بيـن الاجفــان


حاولت اداريهـا وغصـب ادمعتلـك .... طاحت وانا صديت كن شى ماكان


شف الاماكن كلهـا ؟ بختصــرلـك .... راشـد بكل مافيه ينطرك ولهـان


نعم احبـك واعشقـك واعترفلــك .... أنـى اليـا شفتـك تناسيـــت الاحزان


والله انا بعمـرى ماحبيـت مثــلك .... تعـال شفنى من سبايـبك تعبــان

[راشد الفهيد]

بقول لك شى دامك ناوى الصده ... كلمه من القلب خذها كاش بلسانى


خذ وقتك اللى تبيه وطول المده ... وشف منهو اللى يرد ويسبق الثانى


والله لترجع وصبرك منتهى حده ... واقول لك وقتها تقدر تحدانى

[راشد الفهيد]

دخيلك لاتخلينى ابقضى دنيتى وياك ...تراك انت الوحيد اللى أليا شفته ملا عينى

غلاك بداخل عروقى ولايمكن ابد انساك ...انا انسى الناس والدنيا ولاشوفك تخلينى

تعال وناظر عيونى وصدقنى تبى تلقاك ... مصيبه من لمح عينى يطالع صورتك فينى

انا وين ابتعد وانسى ولااقدر على فرقاك ... تمكن حبك بقلبى وسيطر فى شراييني

تصور لابغيت انساك شعرى جاب لى طرياك... واغوص الشعر واكتب لك تعال وشوف ياعينى

كبيره كان ماتدرى بحبيب(ن) مخلصن يبغاك ... يبيع الناس من شانك ولو فيها ملايينى

انا بطلب طلب واحد ابيك تنفذه نفداك ... يطول الوقت أو يقصر أمانه لاتجافينى

[راشد الفهيد]

تدرى وش الحب معناه وتفاصيله ...أنك تحب بضمير وتخلص النيه

[راشد الفهيد]

تدرى وش اللى مايخلينى أنساك ... أول لقى مابيننا وأنت خـجلان

[راشد الفهيد]

من عقب ماكنا انتلاقا على طول ... اليـوم صارت شوفته مستحيله

[راشد الفهيد]

وين انت ياللى غيابك زاد عن حده ... تعال شفنى عقب فرقاك ياجافى

ياليت ترفق بخلك عقب هالصده ... محتاج اشوفك وابين لك عن الخافى

واعلمك وش جرالى بعد هالمده ... والله مانى عقب فرقاك متعافى

لولا ضلوعى ترد القلب وتصده ... والله ليطلع من الحرمان ياكافى

ارحم حبيب(ن) تولع والغلا هده ... صارت حياته ظلام اسراجها طافى

يسامر الليل مع ذكراك ويرده ... يذكر زمان(ن)مضى يوم انت له صافى

أنشهد ان الهوى ملعون ابو جده ... يدمر حياتك لو انك قرم وسنافى

[راشد الفهيد]

لاشفت خلك يصد ومنعدم خيره ... ارفع مقامك وفوراً سكر احسابه

[راشد الفهيد]

جيتك بكل الحب والشوق واغليت ... وانتى تمنيتك لقلبى عشيره


لاشك خاب الظن واليوم صديت ... بنساك لو طالت على المسيره


ماكان ودى نفترق لين حسيت ...انك قليل احساس مافيك غيره


نسيتنى ولا بطبعك تناسيت ... واللى حصل من بيننا وش مصيره


هذى ثمان ايام من يوم قفيت ... مدرى علامك هقوتى مستخيره


فى ذمتك مايوم فالبال مريت ... وماعاد لى وسط الحشى اى سيره

[راشد الفهيد]

والله ماغيرك له القلب سلمت ... ورهنت عمرى بايع الناس لرضاك


لاشك تالى الوقت عفت وتندمت ...على ليال(ن) عشتها بس وياك

[المهره الأصيلة]

صح لسانك ياخوي راشد
بصراحة بسميك راشد الأحساس
بوقتنا هذا مافي مثلك
أصبر الصبر حلوة ومن صير نال

[راشد الفهيد]

ليتك توضح لى وشنهي نواياك ... انا بصراحه صرت بالوضع غادي

احيان احسك وين مارحت وياك ... يعني غلاي بقلبك اليوم زادي

واحيان تبعد حيل واشوفك هناك ... يعني غدينا كل واحد بوادي

توهتني مابين بعدك ولاماك ... عقلي وقلبي سبتك فى جهادي

عقلي يقول انسى وانا اقول وياك ..نمشي على درب الجفا والعنادي

واصد وابعد ناوي اليوم فرقاك ... ومعزمن بمشى طريق البعادي

بس المصيبه قلبى اللى تمناك ... بيني وبينك وده الوضع عادي

وده انا اصبر واتحمل سواياك ... شاريك من بد البشر والعبادي

وانا غديت اليوم تايه بدنياك ... من سبتك ماذقت طعم الرقادي

ودى اعرف اخبار وضعي وماجاك ... حتـي تثبت غايتـي والمرادي

[راشد الفهيد]

والله لو قفيت عنك وصديت ... وزدت المسافه والهجر والقطاعه

أنك أبالى رحت ولا بعـد جيت ... ماعندي أصلا ً عن غرامك مناعه

أكذب عليك ان قلت لك ماتأذيت ... وأكذب عليك أن قلت مرتاح ساعه

عقبك حياتي مظلمه لو تسليت ... وقلبي عقب فرقاك حس بضياعه

الله من بيت ٍ كتبته وغنيت ... من قلب حبك / والهجر منك لاعـه

والله من يومن جلست وتمنيت ... صوتك / لو انه مستحيل ٍ سماعه

سويت فغيابك قصايد وسويت ... والشعر فى مثلك سريع اندفاعه

قلبى تولع بك ولو كان قفيت ... طيفك شرابه / وذكرياتك متاعه

شفني / وانا فى غيبتك ماتناسيت ... وأقاوم الفرقا بعزم وشجاعه

خذها عهد لو رحت لو غبت وابطيت ... حبك بيبقى فى خفوقي وداعه

[راشد الفهيد]

من يوم رحت وحالتى ماتسرك ... ترحل كذا فجأه بلا سابق انذار


ترحل وتدرى وسط قلبى مقرك ...( ترحل ) وتتركنى معرض للاخطار



قلى وش اللى جاك منى يضرك ... خلاك تجفا ومابنيناه ينهار



ابسألك بالله طيفى/ يمرك ... ولا مسحته من خيالك والافكار



أبحترم شخصك ورايـك وصبرك ... وابحترم حب (ن) جمعنا ولاصار


لو تبتعد وتروح ماطاح قدرك ... خذها وعد مني/ فلا غيرك اختار


ودك تصدق كلمتي / ( زيد هجرك) ...شفني وانا احبك على كثر الامرار


أشــواق قلبى/ والمشاعر تبرك ... بكتم على حبك/ ولابوح الاسرار


واللي بقى عقبك / ولله درك... (صوره) / وتبقى طول الايام تذكار

[راشد الفهيد]

حاولت ابنسى كل شي ٍ معك صار ...لاكن خيالك مايفارق عيونى

جلست افكر ضايق البال محتار ...وشلون يسلا فى حياته بدونى

وانا احسب انه من عنا البعد ينهار...ولا يصيبه من بعادى جنونى

اثره تناسا كل شي ٍ معه دار ...أبك العهود الماضيه وش تكونى

ياما زرعنا فالمحبه لنا ازهار ... وياما حلفلى دايمن مايخونى

مدرى علامه صاحبى والزمن جار... ولا الليالى يخلفن الظنونى

لفيت انا العالم ولفيت الاقطار ...ودى اسلى من بعاده شجونى

عيا يفارق صاحبى كل الافكار..عقلى وعينى والمشاعر حدونى

صارت حياتى ياهلى عقبها نار ... ضاعت سنينى ياهلى واسعفونى

مهما يجينى من صواديف الاقدار ... حبه وقلبى والغلا يجبرونى

قولوله ان راشد معرض للاخطار...أما يروف الحال ولا أدفنونى

[راشد الفهيد]

لاواحسافه خنت عهدك وماضيك ... وخيبت ظن اللى يحبك ويهواك

خيبت ظن اللى من الناس شاريك ... اللى يبيع الناس لجلك ويدراك

ياما على شانك تنازلت واعطيك ... وضحيت بالغالى وادوربه ارضاك

من اولن نفرح بشوفك وطاريك ... واليوم مايطرى على البال لقياك

لاتحسب أنى عقب صدك بناديك ...كمل طريقك والله اليوم وياك

دور وتلقى بالهوى من يسليك ... تغليه من قلبك وهو حيل يبغاك

وتعيش اجمل حب واحلى لياليك ... ويبادلك طعم السعاده ويرعاك

ولابد ماترجع وتخضع لغاليك ...واذوقك طعم التعاسه بدنياك

واقول لك ارحل ترى اليوم ناسيك ...مانى من اللى يتبعك ويتـــرجاك

راسي مثل نجم(ن) بعال السماء ذيك ... ماينحنــى راسى لمثلك وشرواك

[راشد الفهيد]

حبيبى لو تشوف الحال من بعد الغياب شلون ...قسم بالله ماتمشى الفراق اللى يطرونه

حياتى صارت اوهام وعذاب وكنى المطعون ...مثل حال الكفيف اللى تمنى الشوف بعيونه

ياعزيلى على حالى غدى حالى كما المسجون ...تمنى شوفة عياله وصٍٍـك الباب من دونه

انا من بعد ماغبتى عزاى من القصيد ألحون ... اسلى حالى القشرا عقب فرقاك بلحونـه

اغوص الشعر وبحوره واجيب احلى البيوت فنون ...واقول احلى القصيد اللى كتبته بس لعيونه

انا ياما على شانك وطيت الصعب يالمزيون ...ورهنت العمر والغالى وقلت الكل يفدونـه

غدى جسمى من فراقك مثل وردن ذبل بغصون ...نحل جسمى من اسبابك وقلبى كثرت شطونه

انا مانى من اللى يتبعونك يالغلا بجنون...عزيز النفس ماعمره رضى بالذل والهونـه

وانا من اليوم يالغالى على نفسى تراك تهون ...ماعاد انت الحبيب اللى يهز القلب وركونه

قسم بالله عفناكم على بالى فلا تطرون ... نسينا حبكم كله وكـل اللى تقولونــه

[راشد الفهيد]

قلبى قسى ياعنا قلبى من اسبابك ... من يوم شاف الغلا عندك وتقديره

من يوم شافك تصد مسكرن بابك ... والحب عندك عديم وشاف تقصيره

خله يسرك عديم الرأى واصحابك ... وقلبى عسى الله يسهله تدابيره

ولابد يومن تجى واقول وش جابك ... واذكرك بالكلام وكل تفسيره

من اولن نعشقك ونموت بترابك ... واليوم ماعاد لك طارى ولاسيره

ياكثر مااكتب قصيدى واتغنابك ... واذكر وصوفك وابين كل تصويره

خليتك اقرب من عيونك عن اهدابك ... وخليت لك فالحشا سلطه ولك ديره

خلاص قلبى نساك وسكر احسابك ... والله يعينه على باقى مشاويره

ابيك ترحل وهذا كله اسبابك ... هذا الكلام الاخير ولانبي غيره

[راشد الفهيد]

عزالله انى نويت الصد يالغالى ... والعشره اللى مع شرواك عفناهـا

اسمع كلامن يقولونه بالامثالى ... اللى يبى راحته لابــد يـــلقـاهـــا

بمشى بدربن نويت امشيه بلحالى ... وبطيع نفسى برغبتها وممشاهـا

حبك وش اللى مع الايام سوالى ... غير التعب والهموم اللى حصدناها

الله حسيبك ماكان البعد يطرالى ... لاشك طبعك ونفسك ماعرفناها

كنت احسبك لو يطول الوقت تبقالى ... وكنت احسب انك ربيع النفس وامناها

خيبت ظنى معك فى كل الاحوالى ... وغيرت صوره جميله لك رسمناها

صورتك كانت من اجمل شى فى بالى ...واليوم والله من اقصى القلب شلناها

ياللاسف ماعرفتك غير بالتالـى ...يوم انكشف سر نفسك مع نواياها

خلك بخبثك تعيش ودالهن سالى ... وبكره تجينى عيونك ينتثر ماها

والله لصبر على الهجران لو طالى ... ازمـه صغيـره ولابد انتعداها

[راشد الفهيد]

لاتفكر اني يوم قفيت ناسيك ... ابشرك ماغبت هذى حقيقه

حدتني العزه اقفي واخليك ... ماعاد لى وياك اية طريقه

صحيح تتعبني ليامر طاريك ... واحاول النسيان حتي دقيقه

[راشد الفهيد]

خلـى كمـا نـور ٍ علـى النـاس ضـاوي .... سبحـان من كمـل جماله وســواه

في زينهـا تصـدر كثير الفتاوي ... أنشهد انه فارق ٍ فى مزاياه

شعره ليا شفته عذاب الهواوي .... كنه دجى ليل ٍ يضيعك مسراه

وحجاجها اللى مثل( سهم المناوي) ... من صابته قضى حياته معاناه

والعين عين اللى على الجول ناوي ... حر ٍ عريب ٍ يعجبنك سواياه

وخشمه كما سلة صقيل ٍ رهاوي ... سيف ٍ شطير ٍ يعجبك بالملاقاه

وحمر الشفايف من عظيم البلاوي ... زين الطبيعه كلها فى شفاياه

والعنق عنق اللى لحاله خلاوي ... عن الجوازي فارق ٍ في حلاياه

ريم الفلا يرعى فياض ونجاوي ... والقفر دايم مرتعله ومفلاه

ولاني على السرجوف بالوصف قاوي ... من زين خصره نظلمه لاوصفناه

والساق مدموج ٍ كما العود راوي ... واللى يزيده بالحلا مشية اخطاه

انشهد اني منه شفت البلاوي ... والله يعين القلب من حر ماجاه

ارفع مقامه عن جميع الخزاوي ... ماعاش منهو من يسبه ويشناه

واختم وصوفي فى كثير الدعاوي ... الله يحفظه بالسلامه ويرعاه

[راشد الفهيد]

عقب الغلا صرت تنكرنى وتجفانى ... ماكنت انا اللى تبى قربه وحبيته

جيتك ابى شوفتك واخذك بأحضانى ... يدفعنى الشوق وانت اللى تمنيته

ماكنت اصدق تجى منك وتنسانى ... بنيت سور المحبه وانت هديته


من اولن كنت شارينى وتبغانى ... واليوم حتى أتصالي لك تناسيته

ياكثر ماكنت ترسلى وتهوانى ... وجوالك اللى شكى منك وأذيته


أباتحمل خطاك وكل ماجانى ... من شان الايام واللى معك قضيته

[راشد الفهيد]

طلال وش حيلة اللى فاقد(ن) خلــه ... قفـى به الوقـت ماشفتـه ولاجانـــى

من يوم قفـى وحالـى ناحل(ن) كله ... اعيش بين السهر والهم واحزانى

حبه سرى بالوريد وخافي تله ... يسري مثل ماسرى دمي بشرياني

مير المصيبه بعيد ولا اقـدر اوصله ... من دونهـا المملكه وحدود عماني

من اول اجيـه فى داره واحوله ... واليوم عنه ظروف الوقت تحدانى

ودي اشوفه ولو ساعه وابين له ... وشلون حالي عليل وحيل تعباني

ماعاد باقى سوى الذكرى وبيتله ... اردده دايم (ن) لاصرت وحدانى

ابعترف بالخطا وانا السبب والله ... انى تركت الحبيب اللى تمنانى

طلال ابعطيك امانة بيت وافطنله ... خله معك دايم(ن) مع مر الازمانى

اللى يحبك تمسك فيه لاتذله ... حطه بقلبك ولا تدور حد(ن) ثانى

[راشد الفهيد]

لاتحسب إني يوم قفيت ناسيك ... أبشرك ماغبت هذى حقيقه


حدتني العزه أقفي وأخليك ...ماعاد لي وياك أية طريقه


صحيح تتعبني ليامر طاريك ... وأحاول النسيان حتي دقيقه


حبك كتمته فى خفوقي واداريك ... بأحلى المعاني والمشاعر رقيقه


اشتاق لك فى كل لحظه واناديك ... بالمختصر / فرقاك ماأقدر أطيقه


ماهو تناقض فى كلامي وأنا ابيك ... بس المواصل له ظروفن تعيقه


أمقدر ظروفك عسى الله يهنيك ... وانا اتحمل من غلاك الحريقه


( أخذ الحروف ) وضمها اليوم بيديك ... واعرف عقب فرقاك ضيقه بــ ضيقه

[راشد الفهيد]

أستاذنك بروح وامشي واخليك ... والله يهنيك بحياتك بدوني

[دلوعة ابوها]

[QUOTE=راشد الفهيد;2217]عانيت فغيابك كثير وتألمت ... وياقو صبر القلب من عقب فرقاك


أكتم وأخفى لوعتى ماتكلمت ... وأضحك مع العالم ولاجيب طرياك


ولامرنى طيفك سكت وتبلمت ... وأسج مع طاريك وأروح وياك


وأخاف يدرى من حوالي ثم قمت ... خايف تبين حالتى من سواياك


:rolleyes::rolleyes::rolleyes::rolleyes::rolleyes: :rolleyes::rolleyes::rolleyes::rolleyes: الله عليـــــــــك وش اقول ووش اعبر
شهادتي فيك مجروحه((مبدع ومميز عن الغير دائما))

[راشد الفهيد]

دلوعة ابوها

هذا من ذوقك الرائع

شهاده اعتز بها ..

تسلمين على مرورك الجميل ..

ودي

[راشد الفهيد]

قولوله إني في غيابه تأذيت ... لا والله ألا رحــت والحال ولا

[راشد الفهيد]

لاتفكر إني اهين النفس واجيلك ...صحيح احبك ولكن والله / لتبطي

[راشد الفهيد]

الحب بلوه كبيره ماهـي صغيــره...كم واحد(ن) عاف حلو النوم بسبابه


يسامر الليل عينه دايم سهيره... يشكى فراق الحبايب مخطر صوابه


الحمد لله عطانا نعمه اكبيره ...نسيان لولاه تلقى الرجل بترابه

[راشد الفهيد]

غدى قلبى مقرن للهموم وكثرة الاحزان ...رصيد الهم يومياً يزيد ألفين بالميه

لو ان السوق وارباحه تزود بسبة الحرمان ...تحصلنى ملك بالسوق وارباحى خياليه

[راشد الفهيد]

توك تجينى تبينى ادمح الزله ... توك تحس بغيابى توك تعانى

من عقب صدك ترد ودمعك تهله ... تقول تكفا ابى قربك وتهوانى

وينك؟ يوم انك تهجرالقلب وتعله ... ماتدرى انك سبب همى وحرمانى

لاواحسايف وهبت القلب لك كله ... وخليتك اغلى من الغالين واعيانى

ياما سهرت الليالى وطيفك انظرله ...ماكن غيرك بهالدنيا حدن ثانى

واليوم ماعاد لك طارى ابد لله ... عود على غيبتك لاعاد تنصانى

هاك الكلام الصحيح اليوم وافطن له ...من باعنا يبشر بذلن وحقرانى

وحرام مااستاهل الفنجال والدله ... أليا رجعت بكلامى والله احيانى

[راشد الفهيد]

عقبك غدى وقتى من البر للبيت ... أروح اقضى وقتى اللى بقالى


عايش مع العالم بجسمى وانا مِيت ... حتى الفكر من سبته راح حالى


ياشين فرقى اللى من الناس حبيت ... مايذبحك ياكود فقدان غالى


اقضى طوال الليل سِهر وتناهيت ... اقعد واطالع صورتك فى خيالى

[راشد الفهيد]

حطيت له بالقلب منزل وبستان ... وسوره بنيته من الغلا فى يديني

[راشد الفهيد]

هذا شهر عدى ولا شفت زوله ... والحال ينقص والسبب مقدر انساه

انا بدوله والغضى وسط دوله ... واللى مصبرنى على البعد ذكراه

له منزلن بالقلب محدن يطوله ... واسمه مع دم الشرايين تلقاه

اهوا حبيب القلب واهوا ميوله ... لامر طيفه فز قلبى وحياه

حتى الحواس الخمس تسأل وتووله ... وتقول وين اللى نحبه ونهواه

ودى بشوفه وألتقي به وأنوله ... بس الزمن يفرض علينا سواياه

لاكن بقبلى شى لازم أقوله ... وأبيك تفهم كل كلامى ومعناه

مهما يروح الوقت عرضه وطوله ... تبقى الحبيب اللى نحبه ونبغاه

[راشد الفهيد]

تدرى وش اكثـر شي خفتـه بدنيـــاي ... أنك تغيب ورجعتك مستحيله

[راشد الفهيد]

ابسالك بالله طيفي يمرك ... ولامسحته من خيالك والافكـار

[راشد الفهيد]

شفت المكان اللى جلسنا به العام ... اليـوم جالس فيـه لكن لحالــــى ...

[راشد الفهيد]

لاتفكر انك على صدك تعذبنى...رح وكل الله ترى مانى بمحتاجك

خلاص شلتك بعد ماكنت مشغلنى...وارتحت انا اليوم من طاريك وازعاجك

لاتحسب ان صدك وغيبتك تزعجنى...كرهت حبك وتفكيرك ومنهاجك

وان مر يوم(ن) عليك انك تذكرنى...لاعاد ترجع تراك اتزود احراجك

تشوف نفسك على ولا تكلمنى...غرك جمالك وغرك زيف مكياجك

هذى سبايبك يوم انك تقاطعنى...وهذى سواتك وهذا كله انتاجك

من اولن طيفك ليا مر يسعدنى...واليوم عندى طفت شمعتك وسراجك

[راشد الفهيد]

تدري وش اللى فى غيابك تعلمت ... ان الفراق اصعب من الموت لاجــاك

[راشد الفهيد]

جبرني الوقت وأتعبني وذوقني من أمراره ...مانام الليل بفراشي سِـهيـر وحالتي حاله

ماغير أصارع أفكاري وقلبي مولعن ناره ...أسير الحزن والضيقه وحالي صار يرثاله

[راشد الفهيد]

صوتك ليا من غاب عني تـأذيت ...قربك منى نفسي وبعدك مصيبه

يكفي بأني أول انسان حبيت ... وأني ملكت القلب وأني حبيبه

ويكفي بأنك وسط قلبى تعليت ... وأنك علاج القلب وأنك طبيبه

بقولها حتى لو أني تماديت ... كل البشـر أغراب وأنتى قريبه

[راشد الفهيد]

ياحسيـن راح الحبيـب اللى تمنيته ... اللـى من أسباب حبه ساهره عينـي


فجأه تركني وانا مايوم خليته ... وأنا أذكر انه حلفلي مايخلينـي


والله مااذكر بعمري يومن اذيته ... وحبه مع الدم يسري في شراييني


أمر مع شارعه واناظر لبيته ... واروح وارجع وهذا اللى يسليني

القاف من شانها ياحسين سريته ... وببقى على حبها لأخر نفس فينى

[راشد الفهيد]

لو تبتعد وتروح/ ( ماطاح قدرك ) ... خذها وعد مني/ فلا غيرك اختار


ودك تصدق كلمتي / ( زيد هجرك) ...شفني/ وانا احبك على كثر الامرار

[راشد الفهيد]

من يوم راحت/ خذت الاول مع التالي ... والله محدن بعد خلي/ ملا عيني


بقولهـا حيـل/ وارفـع صوتي العالى ... مهما يطول الزمن/ حبه مكفيني

[راشد الفهيد]

لـو البكـى ياعيـن بيـرد غاليــن ... واللـه ماخلــي دمعتن وسط عينــي

[راشد الفهيد]

ودك تعـرف اني بليـاك ماعيــش ... تعال نـاظر حالتـي فى غيابـك

[راشد الفهيد]

خليتنى عقبك مقرن للأحزان .. وقامت تجمع من يسار ويمينى

وسجلت لى فى دفتر الهم عنوان ... وصارت علاماته بوجهى تبينى

ليا متى قلبى من الهم مليان ... وليا متى بصبر وضاعت سنينى

[راشد الفهيد]

ودي اشوفك واخذ اخبــار دنيـاك ... بعرف أنا وشلــــــون حـــــالك بـــدونـــــــــي

[راشد الفهيد]

حبك سلب فكري وخلاني ادمنت ... على السهر واجلس وافكر بطاريك

حتي بصلاتي لاجلست وتسننت ... طيفك يمر البال وانسى واخاويك

والله حتي بقاف شعري تفننت ... مرات بيني وبين نفسي اغنيك



مرات بيني وبين نفسي اغنيك

مرات بيني وبين نفسي اغنيك




مرات بيني وبين نفسي اغنيك

[راشد الفهيد]

مافيـه مخلوقن على الارض يسواك ... والله ماغيرك على الارض غالــي

[راشد الفهيد]

لـم اعــد قـادرا ً علي كتابة الشعـر ...

اتمنـى أن تكـونـي قريبـه منـي لأكمــل مسيرتـى الشعريــه ,,, لأنهـا لاتكمــل ألا بـك ٍ ...

فكــونــي قريبــه منــي ...

أحبــــك

[راشد الفهيد]

انا خسرت اللى مواطيـه تسواك ...لاشك / روح الله يسهل طريقــك

[راشد الفهيد]

لاوالله ألا ضاق صدرى ومليت... عقب الحبيب اللى ذبحني غيابه


اضحك واسولف واحسب انى تناسيت ... لاشك بعد الضحك يرجع عذابه


وعزالله انى من حياتي تأذيت ... وصرت المثل لاهل الهوى ينحكابه


ماينفع المشتاق لاقال / ياليــت ... ولاينفعه فكره لو انه / سرابه

[راشد الفهيد]

خالد أثر فرقـى الحبايب مصيبـه ... من جربه ماظن يرتاح لحظـات

يثـر على قلب المولع لهيبـه ... ويجعله يقضي طول عمره بونات

شكيت فرقى اللى عسى الله يجيبه .. وصارت حياتي عقبها فى متاهات

اعيش فى حالات حزنن غريبه ... بين السهر والهم عايش بضيقات

ياليت خلي عندنا وانغديبـه ... مير البلا بينى وبينه مسافات

هذا هوى قلبى وهذا حبيبه ... واسمه تعلا فوق كل المجرات

ونبضات قلبى كلها من نصيبه ...تنبض بأسمه دايم بكل الاوقات

ياعل دار الزين يزهر شعيبه ... وعسى المطر يسقيه في كل حزات

[راشد الفهيد]

تركت كل الناس من شان خاطرك ... خليت كل اللى يبيني / وجيتـك

تدري وش اللى جابني لك مشاعرك ... وبالذات لامن قلت / راشد فديتك

[راشد الفهيد]

عبدالله أرويشد ليامن تناسيت ... وغنى( تعال) وكل شي ٍ طرالي

تطرى عليه كل مااصبحت وامسيت ... وصارت حياتى بين حزن وتسالى

ابشرك ماغيرك احدن تمنيت ... انت الوحيد اللى بقلبى صفالي

واخلصك لامن جلست وتقهويت ... لاذقت انا الفنجال شفتك قبالى

[راشد الفهيد]

انا بسألك ياخـالد عن الغالـى وش اخبـاره ... عقـب فرقـاي ماتـدرى حياتـه وش جـرى فيهــا

[راشد الفهيد]

غلاك بالقلب ماتقدر على وصفه ... يفوق كل الشعور اللى تصورته

[راشد الفهيد]

تدري وش اللى لعب فى حسبة أعصابــي ... أني اشوفك ولكــن مقـدر أوصلـك

[راشد الفهيد]

من اولن كنت فعيـونـى ومعجبنــي .... واليوم والله ماتسوى ولا حاجــه

[راشد الفهيد]

ابشرك / نسيـت كـل العناويـن ... والذكريات وكل شـي ٍ جمعنـا

[راشد الفهيد]

لاتحسب اني طول الايام بنساك ... والله ماانسي عشرتك ياحلالى

وحق الذى كمل جمالك وسواك ... حبك بقلبى باقي ٍ مايزالـــى

والله ثم والله ماطيق فرقاك ... تكفا تعال وناظر اللى جرالــى

اقضي طوال الليل عايش بذكراك ... دايم خيالك ياحبيبي قبالى

تعال ناظر وسط قلبى بتلقــاك ... انت الوحيد اللى بقلبى صفالى

ياعنك ماتسوى حياتي بلياك ... من عقبكم كني وحيد ٍ لحالـي

بقضى حياتي ياحبيبي برجواك ... يمكن تحس بحبك اللى بقالــى

[راشد الفهيد]

انا دفنت الحب واعلن تعازيه ... ماعاد له فى داخل القلب سيره


خله يموت ولانبى اليوم طاريه ... ونبقى على الذكرى طوال المسيره


يرتاح قلبى من هموم(ن) توديه ... قلب(ن) غدى ماينعرف وش مصيره


الحب ورده لازم أنا نداريـه ... نشم ريحه ونتعطر عبيـره


لاشك جاز القلب ولا عاد لى فيه ... والله يجعل فالامر ألف خيره

[راشد الفهيد]

ان كان قصدك على سواتك تحدانــي ... اقول لك شى ؟ والله انـك لتبطــي

[راشد الفهيد]

الله من بيت ٍ كتبته وغنيت ... من قلب حبك / والهجر منك لاعـه


والله من يومن جلست وتمنيت ... صوتك / لو انه مستحيل ٍ سماعه

[راشد الفهيد]

راشد عقب فرقاك يشكي من البين ... الحال ولا والهموم تحديني

[راشد الفهيد]

انا بقسم قسم بالله ماغيرك طري فـ البال ... وتراك انت الوحيد اللى سكن هالقلب وجداره

تسيطرت بشرايينه وصار القلب لك منزال ... وغديت انت الوحيد اللى له السلطه وبدياره

[راشد الفهيد]

تعال جمعني تراني تبعثرت ... قدام عينك كان راشد يهمك

[راشد الفهيد]

ارجوك صارحني وش اللى جرالك ... من غيرك / وش السبب / ليـــه صديــت

نسيـت منهو بالمحبـه صفـالـــك ... بذكـــرك / والظاهـر انــك تنــاسيــــت

جيتي وقلتي ميتــه فـي وصــالـك ... وأنت اول احبابــي وماغيرك اغليـت

[راشد الفهيد]

كنت أضحك أليا قالـوا (الحــب) يذبــح ...( وصدقـت ) يومن شفت بسبابــه المـــوت

[راشد الفهيد]

ماعاد لى رغبه ولاخاطرن فيـك ... عفتك وعفت اللى يجيبون طرياك

تركتهم ماودي اذكر لياليك ... خليتهم وابعدت ماودي ألقاك ..

من اولن كل المشاعر تناديك ... واليوم ماتسوي وابشرك عفناك

كله من اسبابك وهذا بلاويك ... وانت الذى طرفت عينك بيمناك

ياكثر ماابدعت القوافي واغنيك ... يوم القوافي كلها تطلب ارضاك

وياكثر ماكنت اسهر الليل اناجيك ... واسرح مع ذكراك واروح وياك

هذى من ابيات الذى ( كان ) يغليك ... تدري وشنهو ( كان ) / يعني كرهناك

[راشد الفهيد]

ليتك تجى وتشوف عقبك حياتى ... وتشوفنى وشلون عايش بلياك

ماغير انا والهم هذى سواتى ... عايش مع التفكير واسرح بطرياك

والحال منك واصله للمـماتى ... واللى مصبرنى مع الناس ذكراك

طيفك مرافقني بكل الجهاتي ... الله حسيبك قلي شلون ابنساك

المشكله حتي وانا في صلاتي ... ياخذني التفكير واروح وياك

تدري وشنهي غايتي وامنياتي ... ساعه / اشوفك واخذ اخبار دنياك

بقول لك كلمه وهذي وصاتي ... ان طالت الغيبه ولاعاد شفناك

لاضاع عمرى يالغضى/ لاتحاتى ... انا وعمرى كلنا من فداياك

[راشد الفهيد]

لاتحسب اني عقب صدك بناديك ... كمل طريقـك والله اليوم ويــاك

[راشد الفهيد]

توي دريت انك على الروح غالـى ... والله تسوى من البشر لك ملاييـن

عرفت تقديرك من اللى جرالـى ... وعرفت بأنك ساكنن داخل العين

[راشد الفهيد]

ألا ياليتني ظله واشـوفه دوم وابرالـه ... معاه بكـل خطواتـه على ماوين / رافقتــه

[راشد الفهيد]

عقب الغلا صرت تنكرنى وتجفانى ... ماكنت انا اللى تبى قربه وحبيته

جيتك ابى شوفتك واخذك بأحضانى ... يدفعنى الشوق وانت اللى تمنيته

ماكنت اصدق تجى منك وتنسانى ... بنيت سور المحبه وانت هديته


من اولن كنت شارينى وتبغانى ... واليوم حتى أتصالي لك تناسيته

ياكثر ماكنت ترسلى وتهوانى ... وجوالك اللى شكى منك وأذيته


أباتحمل خطاك وكل ماجانى ... من شان الايام واللى معك قضيته

[راشد الفهيد]

من أولن كنت أهوجس بك وأهذريبك ... واليوم ابشرك رايق ميه الميه

[راشد الفهيد]

احيان احسك وين مارحت وياك ... يعني غلاي بقلبك اليوم زادي

واحيان تبعد حيل واشوفك هناك ... يعني غدينا كل واحد بوادي

[راشد الفهيد]

صدق اللى قـال ..

اللـي يشـرب من ماي ( النيـل )

يرجع له :)

[راشد الفهيد]

انشهد إن الهـوى ملعون أبوجده ... يدمر حياتك لو انك قرم وسنافي

[راشد الفهيد]

وين انت ياللى غيابك زاد عن حده ... تعال شفنى عقب فرقاك ياجافى

ياليت ترفق بخلك عقب هالصده ... محتاج اشوفك وابين لك عن الخافى

واعلمك وش جرالى بعد هالمده ... والله مانى عقب فرقاك متعافى

لولا ضلوعى ترد القلب وتصده ... والله ليطلع من الحرمان ياكافى

ارحم حبيب ٍ تولع والغلا هده ... صارت حياته ظلام اسراجها طافى

يسامر الليل مع ذكراك ويرده ... يذكر زمان ٍمضى يوم انت له صافى

أنشهد ان الهوى ملعون ابو جده ... يدمر حياتك لو انك قرم وسنافى

[راشد الفهيد]

لاصـار عينـى ماتشـوفك علـى طـول ... ماعاد لي فيها/ ولا ابغى نظرهـا

[راشد الفهيد]

لــو أدرى انـى فـى منامــى أشوفــك ...حرام لقضـي دنيتـي كلهـا نــــوم

[راشد الفهيد]

في هذه اللحظات عاجز ان اسخر قلمي للكتابة


فقد أبى ان يكتب ولو شطراً واحداً


فأكتفى بقولي


أحبــــــــــــــــــــك

رغم كل شئ



وسوف ابقى كذلك،،،


.

[راشد الفهيد]

جميل أن تنتظر من تود قدومه


.


.



.






فيأتي

[راشد الفهيد]

تدرى وش اللى زود الطين بله ... انى عقب فرقاك حبيتك اكثر

[راشد الفهيد]

خلاص رقمك من الجوال كنسلته ... حتى رسايلك بالوارد لغيناها

لاواحسايف كلام الحب لك قلته ... والعشره اللى على شانك قضيناها

ياكثر ماشفت من شانك تحملته ... وياكثر زلاتك اللى مابغيناها

ياما على شانك المشوار كملته ... وياما على شانك ديارن نصيناها

حتى الكاونتر جوازى فيه نزلته ... وياكثر صفحاته اللى لك ختمناها

واليوم حبك قسم بالله هملته ... عفت المحبه من اسبابك وطرياها

خلاص حتى طريق الحب قفلته ... واللى مضالى من الذكرى نسيناها

خلاص رقمك من الجوال كنسلته ... حتى القصايد على فراقك كتبناها

[راشد الفهيد]

من عقب ماكنا نشوفـه ونلقـــاه ... اليـوم يابعـده/ ويابعد داره

[راشد الفهيد]

.
.







الآن


وفي هذه اللحظة


أدركت ما كان يشعر به متعب التركي عندما قال :






اشوف لك من وين ما رحت ذكرى
ولا شفتها صديت عنها و دنقت ....... !!
.
.

[راشد الفهيد]

ان كان قصدك على الفرقا تحدانى ... خذ راحتك قد ماتقدر على الفرقا

[راشد الفهيد]

حتي عيوني/ فالغياب اسهرتلك ... والدمعه/ اللى حايره بين الاجفان

حاولت اداريها / وغصب ادمعتلك ... طاحت/ وانا صديت كن شى ماكان

[راشد الفهيد]

اشتقت لك فى غيبتك بس وين انت ... هذا البلا يابعد دارك واراضيك

اقعد واطالع صورتك وين ماكنت ... والمشكله لاجيت اصوت واناديك

انت الوحيد اللى بقلبي تمكنت ... والله مافى الكون شخصن يساويك

حبك سلب فكرى وخلاني ادمنت ... على السهر واجلس وافكر بطاريك

حتى بصلاتى لاجلست وتسننت ... طيفك يمر البال وانسى واخاويك

والله حتى بقاف شعرى تفننت ... مرات بيني وبين نفسي اغنيك

[راشد الفهيد]

تكفون قولوله ترى الحال منهار ... يجى ويشوف بعينه اللى جرالى

عايش مع الاوهام والفكر محتار ... الله يعين القلب واعزتالــى

من حبهم هويت انا ركب الاسفار ... ماارتاح لين انى اشوفه قبالى

وطيت من شانه على كل الاخطار ... وخليته اقرب بالغلا من ظلالـى

[راشد الفهيد]

لاشفت خلك يصد ومنعدم خيره ... ارفع مقامك وفوراً سكر احسابه

[راشد الفهيد]

صورتك كانت من أجمل شى فى بالى ... واليوم والله من أقصي القلب شلناها

[راشد الفهيد]

راح الحبيب اللى هويته من سنين ...من يوم ماراحت وحالى حزينى


ابو خدودن مثل ورد البساتين ... وعيونه اللى لا لمح دوم فينى


يسوى جميع الناس قاصى والادنين ... هو رغبتى هو غايتى هو خدينى


راشد عقب فرقاك يشكي من البين ... الحال ولا والهموم تحدينى


صرت اتحرى شوف سيد المزايين ... وافرح انا بقربه وحالى يزينى

[راشد الفهيد]

من أولن لاشفت زولى تبسمت ... واليوم ماكنى على البال مريت

[راشد الفهيد]

أمـر مـع شارعـه وأناظــر لبيتــه ... واروح وأرجع وهـذا اللـى يسلينـــي

[راشد الفهيد]

تكفى ياخالد طلبتك ضايقن بالى ... ودى بشوفه ترى ساعه تكفيني


مخطور عقبه يصيب القلب زلزالى ... ويدمر الحال ويحطم شرايينى


شف دوك جسمى عليل وناحلن حالى ... والهم كله عقب فرقاه يطوينى

[راشد الفهيد]

جمعت لكم كل مايتعلق بـ راشد الفهيد في أن ٍ واحد ..

واتمني ان تنال اعجابكم ...

وإن شاء الله سأنقل لكم كل ماهو جديد ..

ودي

[دلوعة ابوها]

http://4upz.almsloob.com/uploads/images/www.almsloob.com-834672e915.gif
http://4upz.almsloob.com/uploads/images/www.almsloob.com-fecd2f13ba.gif

واتمــــــنى من اللــــــــــه يجمعـــــك بغـــــاااليـــــــك

ويشـــــــــرح صــــــدرك ويــــــــفرج همـــــــــــــــك
((اخـــتك))ههههههههه
الدلــــــــوعــــــه..:p:p

[راشد الفهيد]

دلوعة ابوها

العفو ,,,وهذا من ذوقك الرائع ..

شهاده اعتز بها

تسلمين على مرورك الجميل

ودي

[راشد الفهيد]

دخيلك لاتخليني اعيش العمر وحداني ... ترى دنياي يالغالي بعدكم مالها خانه

احبك حب لو تدري عن اللي وسط وجداني ... تأكد ماتخليني اعاني الهم وأحزانه

تصدق من عقب فرقاك قلبي دايم يعاني ... شكى الوحده شكى بعدك شكى صدك وحرمانه

انا من زود حبي لك يردد أسمك ألساني ... حفرت اسمك وسط قلبي وسرى بدمي وشريانه

ترى راشد عقب فرقاك ضايع ماله اوطاني ... غريب ٍ تاه بالدنيا ولايعرف بعنوانه

[راشد الفهيد]

انشهد اني ماتوقعت فرقاك ... ماكنت اظن بيوم نهجر بعضنا

كنت اتوقع يوم يومين وألقاك ... لاشك طالت غيبتك وابتلشنا

والله مدري ويش اسوي بلياك ... الحظ من قربك ووصلك حرمنا

عايش على الذكرى وعايش برجواك ... واقول بكره صاحبي يفتكرنا

راح الشهر كله وحنا انتظرناك ... والشهر الاخر ياحبيبي وصلنا

قلبي يصيح من الحنايا وناداك ... ويقول بأعلى الصوت نبغاك حنا

ويذكرك بالحب من يوم لقياك ... ويقول تذكر يوم كنا وكنـا

لاوالله الا طال بعدك ومسراك ... مدري جفا ولا تبي تختبرنا

ان كان قصدك بالجفا مقدر اجفاك ... وان كان قصدك تختبرنا نجحنا

المشكله لامر طيفك وطرياك ... تذرف دموعي بسبتك وافضحنا

حاولت اخفي لوعتي من سواياك ... لاشك مقدر والليالي حدنا

بقول لك كلمه عسى الكل يفداك ... وعساك دايم فى حياتك تهنا

[راشد الفهيد]

مـن وين ماوجـه خيالـك يجيني ... اللـه واكبــر كــن ماغيـرك أنســـان

[راشد الفهيد]

هذي ثمان شهور حالي حزيني ... من عقبها ياناس ذقت التعاسات

قبل أنتفارق كنت أجيه ويجيني ... واليوم راشد عقبها ظمن الاموات

[راشد الفهيد]

http://www.arrouiah.com/node/293899



شكرا ً للأخ العزيز / بدر ناصر العتيبي
معد صفحة الشعر فى جريدة الرؤية على نشر احدى قصائدي ..

شكرا ً بدر

[راشد الفهيد]

خلاص سكر على الموضوع بالمره ... والله يوفقك وانا الله يوفقني

[راشد الفهيد]

الحمدلله فيك ماقد ترديت ... يوم انت لك عندي مكانه كبيره


جيتك بكل الحب والشوق واغليت .. وانتي تمنيتك لقلبي عشيره


لاشك خاب الظن واليوم صديت ... بنساك لو طالت عليه المسيره


ماكان ودي نفترق لين حسيت ... انك قليل احساس مافيك غيره


نسيتني ولا بطبعــك تنــاسيــت ... واللي حصل من بيننا وش مصيره


هذي سنه من يوم عني تخليت ... مدري علامك هقوتي مستخيره


في ذمتك مايوم فالبال مريت ... وماعاد لي ذكرى ولا اي سيره

[راشد الفهيد]

قالوا تحبه ؟ قلت من دونــه أمـــوت ... بالمختصـر / معــدوم راشـد بـدونــه

[راشد الفهيد]

لو أنت تدري وش اللي صار بغيابك ... تأكد أنك بعدها ماتخليني

أمر مع شارعك وأطالع لبابك ... وأصد دمعي يهله محجر العيني


ابيات وليدة اللحظه

[راشد الفهيد]

الضيق والصد والحرمان والفرقى ... أسباب شعري وكل اللى جرى ليه

[راشد الفهيد]

العام انا وياك واشتاق لك حيل .. واليوم انا والشوق بس انت وينك

[راشد الفهيد]

شوف المكان اليوم من عقب مارحت... يغلب عليه الصمت لحظة غيابك

خذها نصيحه ياحبيبي ليا صحت ... محدن بعد راشد بيجبر صوابك

صحيح زاد الشوق وان شفتني / طحت ... يمكن تحصل جثتي عند بابك

[راشد الفهيد]

اشتاق لك في كل لحظه واناديك ... بالمختصر / فرقاك مقدر اطيقه

[هم أنت]

جمال ملفاتك
تجبرني على المرور كل لحظه
دمت متألقآ

[راشد الفهيد]

هم انت

الله يسلمج يارب وهذا من ذوقج الرائع

واتشرف بمرورج .. وهذا الركن ماوضع الا لكم

واهلا وسهلا بك

ودمتي بود

[راشد الفهيد]

يالنيل انا قررت اسافر واجيلك .. مشتاق انا والله حيل لشواطيك

ياحلو سهراتك وجوك وليلك ... وبالذات شوفة صاحبي فى مراسيك

[راشد الفهيد]

ومن هنا سأطلق العنان ..

ــ حبيبي أين أنت , وبأي ارضن سكنت

غبت ولم يغب الشوق وتلك الذكرى التي لازلت انسجم لها ويبتسم لها قلبي ومشاعري

واحاسيسي وبمعنى الحب كم كنا نلتقي على شواطئ النيل نقتطف ورود المداعبه

وازهار المشاعر المتبادله فأين ذلك الواقع الجميل .. انه قد رحل ,, ولم يبقى ألا أن اتامل

ذلك الواقع الجميل وأحيا على نفحات تلك الذكرى متحملا ً مرارة وصعوبة الفراق ,

وماأدراك ماالفراق ,,

فالفراق هو الموت البطيئ وكم من الفراق ماقتل .. لكنني مع الصبر ساتامل اللقاء ولم

أيئس لاني لم ازل احبك وسأظل احبك الى الابد ..

الصبر قاتل حين نتأمل اللقاء ,أين انت وهل تعلم مامدى صعوبة الانتظار ؟؟

مع كل هذا سانتظر وانتظر ! لطالما انني متاملا ً فأنني سأنتظر وانتظر ..

[راشد الفهيد]

يالنيل طمني عسى منت زعلان ... والله ماتستاهل اللي حصل فيك

ياكثر ماشلت البلاوي والاحزان ... وياكثر مافرجتها يوم انا اجيك

غلاك في قلبي يعادله اوطان ... اخلصك / مافيه شي ٍ يساويك

تذكر على جالك تعرفت بأنسان ... واول علاقه صادقه في شواطيك

صحيح راحت وانتهى كل ماكان ... واللي بقالي ذكرياته وطاريك

ودي على شوفه واضمه بالاحضان ... واجلس على جالك وترجع لياليك

ابطلبك يالنيل لو كان لي شان ... قله ترى راشد يحبك ويغليك


اخر جديدي

[فيني هيبه بعثرت عزه انسان]

شي راقي من انسان مبدع

صح لسانك ;)

تقبل مروري.....

[راشد الفهيد]

قلبي من اللوعات والهم مضغوط ... الله يستر لايجيه انفراطي

اضحك واقول اني مروق ومبسوط ... مابي ابين لوعتي وانحباطي

حالي كما حر ٍ على الوكر مربوط ... سجين مايقدر يفك الرباطي

او مثل جندي ٍ على البرج مقطوط ... ماجاء بديله ينتظر بأختباطي

همي ملازمني بلا ذنب وشروط ... وعزالله انه دايم ٍ بأنظباطي

[راشد الفهيد]

عقبك غدى وقتى من البر للبيت ... أروح اقضى وقتى اللى بقالى


عايش مع العالم بجسمى وانا مِيت ... حتى الفكر من سبته راح حالى


ياشين فرقى اللى من الناس حبيت ... مايذبحك ياكود فقدان غالى


اقضى طوال الليل سِهر وتناهيت ... اقعد واطالع صورتك فى خيالى

[راشد الفهيد]

تكفى ياخالد طلبتك ضايق ٍ بالى ... ودى بشوفه ترى ساعه تكفيني


مخطور عقبه يصيب القلب زلزالي ... ويدمر الحال ويقطع شراييني


شف دوك جسمي عليل وناحل ٍ حالي ... والهم كله عقب فرقاه يطوينى


اذكر زمان ٍ مضالي مع هوى بالي ... وقت ٍ مضى راح مابينه ومابيني


جلست مع صاحبي والنيل يبرالي ... خلف السرايا واشاهد هلتون يميني


من يوم راحت خذت الاول مع التالي ... والله محد ٍ بعد خلي ملا عيني


بقولها حيل وارفع صوتي العالي ... مهما يطول الزمن حبه مكفيني

[راشد الفهيد]

شفت الكويت اليوم من عقب مارحت ... كن الشوارع مظلمه مابها نور

[راشد الفهيد]

http://www.youtube.com/watch?v=Kje8vUI_kPo

[راشد الفهيد]

انا بقسم قسم بالله ماغيرك طرى فـ البال ... وتراك انت الوحيد اللي سكن هالقلب وجداره

تسيطرت بشرايينه وصار القلب لك منزال ... وغديت انت الامير اللي له السلطه وبدياره

تصور حالتي مثل الشريحه وانت لي جوال ... تحكم فى جميع ارقام ماتطلب وتختاره

تروح بغيبتك دايم ولاتنشد عن الاحوال ... وحبيبك ينتظر وصلك ولاتسأل عن اخباره

انا لاغبت عن عيني ماغير اسامر الموال ... واذا شفتك غديت اللي ربح مليار بـ تجاره

حياتي يابعد عمري ترى بقربك يزين الحال ... ويربع قلبي بوصلك حبيبي وتنبت ازهاره

فداك الكل يالغالي وحلالي والعمر والمال ... ياسيد الزين كله ياقمر ياساطع انواره

انا بوعدك ياخلي ولك مني وعد رجال ... تبي تبقى الحبيب اللي احبه واحفظ اسراره

[راشد الفهيد]

العام انا وياك واشتاق لك حيل .. واليوم انا والشوق بس انت وينك

[راشد الفهيد]

بقول كلمه ختاميه وتذكيره .. وخذها نصيحه من اللي فارق احبابه

لاشفت خلك يصد ومنعدم خيره ... ارفع مقامك وفورا ً سكر احسابه

[راشد الفهيد]

الله من بيت ٍ كتبته وغنيت .. من قلب حبك والهجر من لاعه

والله من يومن جلست وتمنيت .. صوتك / لو انه مستحيل ٍ سماعه

سويت فغيابك قصايد وسويت .. والشعر فى مثلك سريع اندفاعه

شفني / وانا في غيبتك ماتناسيت ... واقاوم الفرقا بعزم وشجاعه

[راشد الفهيد]

من سبة الفرقى غدى القلب نصين ... ولاني بطيب كان طول غيابك

[راشد الفهيد]

عيني تمنى شوفتك لو ثواني ... بخبرك باللي جرى عقب غيبتك

[راشد الفهيد]

الضيقه اللي تفج الصدر من جوه ... عجزت ضلوعي تحملها وتقواها

عزالله ان مابها رحمه ولا مروه ... مدري وشنهي سبايبها ودعواها

[راشد الفهيد]

ابيات كتبتها في والدتي العزيزه الله يرحمها ويغفرلها ويسكنها الجنه ويرحم اموات المسلمين ,,, قبل وفاتها عندما كانت ترقد في العنايه المركزه ..


البيت من عقب زولك مايسليني ... أشوف مجلاسك وتخنقني العبره


امر دارك واشوف فراشك بعيني ... خالي مكانك وياوسعه وياكبره


اجيك وسط العنايه وماتعرفيني ... محتار واقول ياربي وش الدبره


اقول يمه وياالله انك ترديني ... متغير ٍ فيك حتى الصوت والنبره


دكتور هذي هي امي شمعة سنيني ... ارفق عليها ولو من غزة الابره


شفني امامك وقطع ماتبى فيني .. وكمل به امي وماتحتاج من جبره


اليوم صرتي جديدي وكل عناويني ... والقلب ضايق ومل اليوم من صبره


خانقني الضيق ولابه من يواسيني ... اشوف مجلاسك وتخنقني العبره

[راشد الفهيد]

دائما ً يشدنا منظر بعض الصور وتحتاج للتعليق عليها اترككم مع كذا صوره علقت عليها

واتمنى ان ينال اعجابكم ..


http://thumbs.bc.jncdn.com/7556179e1fd48702935520589cd915b4_lm.jpg


ياطير قول الله يذكرك بالخير ... دنياك ماتسوى زعل حيل دنسى
وان كان هزك صدمة الفقد ياطير ... بكره مع الايام تقنع وتنسى

بقلمي

[راشد الفهيد]

http://up.arab-x.com/Aug09/V4x42213.jpg


شوف المكان اليوم من عقب مارحت ... يغلب عليه الصمت لحظة غيابك

خذها نصيحه ياحبيبي ليا صحت ... محد ٍ بعد راشد بيجبر صوابــك

صحيح زاد الشوق وان شفتني/ طحت ... يمكن تحصل جثـتي عند بابك


بقلمي

[راشد الفهيد]

http://www.m0dy.net/vb/uploaded/166458/m0dy.net-11227053008.jpg


يالنيل انا قررت أسافر واجيلك ... مشتاق انا والله حيل لشواطيــك

ياحلو سهراتك وجوك وليــلك ... وبالذات شوفة صاحبي فى مراسيك


بقلمي

[راشد الفهيد]

http://aljsad.net/imgupload/uploads//2f59ae37c2ea3c3ba949b7d6c04b2dddjpg


شــف رغـم صغــري تراهــا ماتعذربنـــي ... اعيــش حمـــال( لكــن) ماأشحـــذ العالـــم


بقلمي

[راشد الفهيد]

http://t0.gstatic.com/images?q=tbn:ANd9GcRZhOt_7qR9K_XrDlnLeczD6Mzu7W5jx NNTgNr0kZyBulhdOxcv


وش تنتظر يانسر تبغاني اموت ... حاديك من ضيم الزمن ماحداني


تعال واغرز مخلبك قرب الموت ... أنا من الصوبين ميت واعاني



بقلمي

[راشد الفهيد]

تعال جمعني تراني تبعثرت ... قدام عينك كان راشد يهمك

[ذبحني حمود]

صح لسانك يا راشد
على الأبيات الحلوة
وتسلم ربي يحفظك