عندليب الشعر عطالله فرحان ....

[هم أنت]

بسم الله الرحمن الرحيم






http://www.sadanajd.com/contents/albumsm/152.gif





عطالله فرحان العنزي

لقب بـ عندليب الشعر شاعر اجاد تنسيق الكلمات والحروف من خلال ادراجها

في اسطر اقل ماقيل عنها انها تحمل كل معاني الاحساس والمحبة

من الشعراء الذين استمع لهم كثيراً , فهو يسحرك بجمال كلماته , وتواضعه , وبساطته.


عطالله فرحان العنزي

- العمر 30 سنه تقريباً
- متزوج ولديه 3 ابناء (راشد , رغد , ريناد)
- كويتي الجنسية
- موظف
- يسكن في صباح الناصر


اول قصيده هي:

عيشي مع الواقع وانا اعيش الاحلام =يمكن مع الاحلام نبقى حبايب


يقول عن نفسه :

انا عدو الكذب والحقد والعيب=ما أصافح الطيب عشان استغله

انا انسان بسيط جدا . لا احب المجامله واحب الحريه .


وقـــفـــهــ مع قصائــدهـ,,,,

[هم أنت]

اخر اخباري

كان المشاوير غلطه شوفتك عذري
والعشق كانه غلط بعيونك أعذاري

تحبني بس لو تدري مهو كثري
إسمك طواني غلا وإستوطن أقداري

من أول العام وأنت بخافقي تطري
قلي أجل كيف أبرجع وأنت مشواري

تقول الأشواق نار ومحرقه صدري
وش قولتك لو تحس شوي في ناري

ياصاحبي والغلا ماهو على خبري
الله من أيام راحت مالها طاري

بدري على البعد وعلوم الجفا بدري
توي معك ماوصلت لأول دياري

الطاري اللي يجي في غيبتك يغري
تطري متى مانسيتك حي هالطاري

وش حاجتي بالعمر لا ضيّعك عمري
سولف مدامك عن أسباب الزعل داري

أخبر بعض البشر لا باع ما يشري
بس أنت ماهقوتي بايع ولا شاري

أسقيت الأيام صبري مانفع صبري
شفني زبنت البحر من لجة أسراري

ياالله عسى بس عندك مانقص قدري
وإلا المصايب تراي لشيلها ضاري

جربت مره بغيرك ينشغل فكري
لقيتك اللي طرى في زحمة أفكاري

وإن كان تنشد عن أخباري ولا تدري
بس القصايد وطيفك آخر أخباري

[هم أنت]

أحلى كلام

أخطت وجت متندمة في ثواني
وجابت عذر ماكل بنتٍ تجيبه

قالت كلام أحلى كلام ومعاني
ماني قريبة بس منك قريبه

ياقلب سامحها ترى العمر فاني
القلب دايم طيبته ماتعيبه

عشان دمعتها الحزينة عشاني
حاول ولوفوق المصيبة مصيبه

مو انت بيت الحب بيت الاماني
هذي من اهل البيت ماهي غريبه

نسيت وقفتها يوم انك تعاني
عليها طيبة قلب عن الف طيبه

انشد عيوني كان غشك لساني
عن زينها يومه نهبني نهيبه

لو كنت سامع صوتها اللي دعاني
والله ان ترضى طيب والا غصيبه

هي مخطية بس انت صاير أناني
حتى معي صارت امورك عجيبه

اجي مكانك لا تعال بمكاني
او عاد تدري كل منا و نصيبه

انت اغلى منها بس ربي بلاني
هذيك مهما كان تبقى حبيبه

//

[هم أنت]

السمع و الطاعه

ما أملك إلا أقول السمع والطاعه
معك إنت حتى العطايا تبسط ايديها

لو تجرح القلب ولا تقلب أوضاعه
الراحه اللي بعد فرقاك ما بيها

حبيتك الوقت كله ما بقت ساعه
وتركت لك هالدقيقه حبني فيها

ما قلت لك عن عذاب القلب وأوجاعه
بعض القصايد تموت فقلب راعيها

العين ديرة نظر والنفس طماعه
ما فيه احد يملك الدنيا ويعطيها

ولو نفترض كل شخص يغير أطباعه
الناس ما تقتنع باللي حواليها

ماخانك المركب اللي خانك شراعه
وما يعجبك بالسوالف غير تاليها

واللي وقف بين صفاعه ونفاعه
هذاك انا يوم اطوفها واعديها

الحب من يوم شفتك تلوي ذراعه
عرفت ليه البشر تكثر بلاويها

//

[هم أنت]

بلاش تعيد

بلاش تعيد وتزيد السوالـف وانـت مـا يمديـك
طريقك صعب واحلامك بعيده والغـرور أعمـاك

تعاتب وانت ما تدري خفوقي وش كثـر معطيـك
على كثر العطـا حديـت قلبـي للفـراق وجـاك

أجي لك من هنا وتصد عنـي وأعـذرك وأجيـك
وأجي لك من هناك ونفس ماجيتك هنـا وهنـاك

صحيح إني سمعت بطاري الموت ولمحتـه فيـك
ولكن قلت أبسـري لك وأغنـي لـك علـى ليـلاك

وجيتك حب عن كـل القلـوب العاشقـه يغنيـك
أصيح القلب مـا يغلـى عليـك وماتبـي يفـداك

عقب ما أنهد حيلك والهوى جابك علـى مغليـك
بدا المشوار واللي باقي من عمـري بـدا ويـاك

لقيتك ضامي إحساس وقصايد قلت أجي وأسقيـك
أبكسب فيك اجـر ولا القصايـد فيـك وبليـاك

تصور من كثر ما أردد إسمك لا طرى طاريـك
أصوت لك على الطاري بلا وعـي وبـلا إدراك

ومشينـا بالغـلا لا خـوف ياخذنـا ولا تشكيـك
وفجئة من ردى عقلك طغيـت وغرتـك دنيـاك

قسى قلبك ومـا تـدري بعـد ويـن الله موديـك
تبعتك لأخر الدرب الطويل و ماقصرت أخطـاك

أحاول فيك أهـدي فيـك أحاول فيك أهـدي فيـك
مع أني صرت أحاول لين ماجبت أولك وأتلاك

نصحتك وأكتشفت إن الوفا بالـذات مـا يعنيـك
أجل ذنبك على جنبك علـى مـا تفعلـه يمنـاك

أعرف إنك بديت الحرب من نفسك وأعرف أنهيك
واعرف سلاحك الفتنـه ليـا منك وصلـت اقصـاك

تلمح بالجفا مـدري وش اللـي بالجفـا يغريـك
عسى الله مـا يحـدك للجفـا يمـي ولا يبـلاك

تولـم للفـراق ولا تفكـر تـرجـع لماضـيـك
وحرام إن ماجعلتك تصفق اليمنى علـى يسـراك

انا ماقول كلمه وأرجع أسحبها عشـان أرضيـك
مدام رضاك في كسرة كلامي لا بـلاش رضـاك

ترى ماني صبي اهلك عشان أخضع وأبوس إيديك
عسى تنهيني الدنيا لو أخضع وأضعـف لشـرواك

[هم أنت]

تبي الصراحه

تبي الصراحه وش تبـي بالصراحـه
أكذب عليـك إن قلـت لك عايـش بخيـر

الحلـم يكـبـر والصغر بالمسـاحـه
تكسر جناح الطير ما يقدر يطير

قلبي من ضلوعـي تشيلـه جراحـه
وش حيلة إبـن آدم بوجـه المقاديـر

لاجيتني صدري يزيـد إنشراحـه
وغيرك على دنيـاي نقـص ومخاسيـر

في ذمتي ماغيرك أرجـي سماحـه
قول اش تبي مني وأقول إبشر يصير

من شاف بعيونك مسـاه وصباحـه
عزالله أنه مارجـى شوفـت الغيـر

وإن قلت راحه ماورى النـاس راحـه
بس إنت وافي مايجي منك تقصير

طيرالسـعـد بيديك وإجبر جـنـاحـه
السالـفـه مـاعـاد فيها معـاذيـر

لاجابو إسمـي كـلٍ أطلـق إرماحـه
ماكنهم قبل أمـس عنـدي مساييـر

أبسـط مثـال ليا بغيـت الصـراحـه
أقـول طيـب بـس أنا مانـي بخيـر

[هم أنت]

الخير بوجهك

الخير بوجهك متى ما رحت راح الخير
ما علموك أش كثر ضايقني فراقك

أحن لك والشعور يخونه التعبير
ألين آخر الليل أقوم أقلب أوراقك

المشكلة ما لقيت إلى هالغلا تفسير
إلا أني أحتاجك الياغبت وأشتاقك

سبقني الطير يمك أو سبقت الطير
ما هو من أول أنا والطير عشاقك

مو مثل الأول أحبك بس أحبك غير
تدري أش كثر أكثر من الشوق لعناقك

ما في شيء مهم اللي يصير يصير
أهم حاجه هي أشواقي وهي أشواقك

من قال لحظة فراقك ما لها تأثير
أحس روحي تبي تطلع من فراقك

[هم أنت]

مذنب وتاب

سو اللي براسك ولا تذكر اسباب
لا صرت بايعني توكل على الله

ما بيني و بينك مشاريه و عتاب
شف دربك اللي جيت منه تدلّه

ما راح تغلبني لو الحب غلاب
من حضرتك عشان قلبي تذلّه

في ذمتي لجعلك عبره للأحباب
لين الخليل يتوب عن جرح خلّه

زلاتك اللي ما نفع فيهن حساب
لا جيت اعددهن على القلب علّه

احرجتني بين القرايب و الاصحاب
كن الجفى سيفٍ بوجهي تسلّه

ما كنت اقصر فيك من كثر الاعجاب
يومك تساوي عندي الكون كلّه

كنت القريب و كلهم كانوا اغراب
حتى القمر لا غاب شفتك محلّه

خلاص لا ترجع ترا خاطري طاب
الخاطر اللي كنت عايش بظلّه

رح و اعتبرني واحدٍ اذنب و تاب
ماني بثوبٍ تلبسه ثم تملّه

ما يجتمع بالحب صادق و كذاب
رزقي على الله و انت رزقك على الله

[هم أنت]

يفهمني غلط

مرات يفهمني غلط لا نصحته
غـير الكلام اللي تقوله عيـونه

انا ادري اني في كلامي جرحته
بس العتب سر القلوب الحنونه

مانيب قايل وش خذا وش منحته
والله ماني ذاخر شي دونه

العمر لامني جمعت و طرحته
انا اشهد انه مايساوي بدونه

مهب خاسرني متي ماربحته
و بالذات مني ماتجيه المهونه

ياكبر ذنبه لا شكيته و صحتـه
وشلون اخونه عاد وشلون اخونه

يمكن لو اكشف له غلاته ذبحته
ليته يصدقني و يكذب ضـنونه

شافوه بعيوني و قالو فضحته
وشلون لو شافو بقلبي طعونه

يكفي امر البيت لو مالمحته
راعي الهوى مرات قلبه عيونه

[هم أنت]

معقولة ينساني

الجرح يكبر معي والناس مشغوله
والي أبيهم مشوا واحد ورا الثاني

الليله ياطولها والدرب ياطوله
واللي ورايه أحس أنه تعداني

الوقت لامن تغير هذي فعوله
إما لعب لعبته وإلا تحداني

أبواب إمقفله ودروب مجهوله
وإذا تبي كل حاجه لازم تعاني

كلام ابقوله لكن مقدر أقوله
أشياء في خاطري توقف على لساني

غلطه ومن صاحبي وأقول مقبوله
مره على شانه ومره على شاني

والمشكله لو تطول شوي محلوله
عشان مايشمت القاصي ولا الداني

تكفون وانتم اليا جيتوه قولوا له
إني أعزه كثر معزة اخواني

معقوله ينساني لا ماهي بمعقوله
حتى الشعر وقتها ماراح ينساني

فله حجاج وقصيد وصوله وجوله
يعني متى ماتذكر شي يلقاني

ماشلت هم الشكوك الدايره حوله
والا الخوي لاتردى قلت يفداني

مرات احس اني حاكم تنقصه دوله
ومرات مدري من اللي ينقص الثاني

[هم أنت]

الحلم

اتعبني الحلم لين الواقـع انكرنـي
كني مسكت الفرج بيـدي وهديتـه

مافي داعي على فرقـاك تجبرنـي
حتى الجفا منـك ولعنـي وحبيتـه

الجـرح عـدا زمانـه لاتذكرنـي
هـذاك وقـت تعذرتـه وجافيـتـه

لوشفت دمع القصايد كان تعذرنـي
تصور ان الشعر يضحـك وبكيتـه

ماغيرونـي ياكـود الله يغيـرنـي
كم واحد عنـك يبعدنـي ورديتـه

وفيـت وادري وفايـا مايصغرنـي
صوبت يم الهدف لاكنـي اخطيتـه

من طار سرب الغلا والشوق طيرني
شف ماعلى الارض واحد ماتعديته

خذني على صدرك الدافي وسيرنـي
بعض الولع ياخذ الرجال من بيتـه

ابنشغـل فـي عيونـك لاتدورنـي
ودي بشي اشوفـه مابعـد جيتـه

خليت قلبي معـك والله يصبرنـي
مبطي وانا اقول قلبي ويـن خليتـه

اشتقت لك مابقيتك عـاد تشكرنـي
تغيب والشوق ماعمـري تباطيتـه

ماخذ على خاطري والبعد قاهرنـي
مدري شسوي وانا كل شي سويته

العام يوم الوعد تسبـق وتنطرنـي
مستغرب شلون هالموعد تناسيتـه

وين انت رايح ولا كنـك معبرنـي
ماكني الي علـى العالـم تمنيتـه

لاصار هذه علومك راح تخسرنـي
ماعمر احد راح من كيفه وناديتـه

عند الكرامه ابيعك وانت خابرنـي
الله وكيلك ترى كـل شـي مريتـه

وكانه هجر بالسلامه روح واهجرني
اخـوي لاصـد عنـي ماترجيتـه

[هم أنت]

عشقي الضامي

باين عليك الوله يا عشقي الضامـي
باين من ايديك شفها تحضن ايدينـي

الشوق حامي وكلك جيتنـي حامـي
واشعلت نار المحبـة بينـك وبينـي

حتى بهروبك تجـي واطيـح قدامـي
عرفتلـك زيـن مـا تقـدر تخلينـي

انفيك من واقعي تطلع مـع احلامـي
يا تقتنع بالزمـن يـا تقتنـع فينـي

يعني وهم عاد انا تعجبنـي اوهامـي
مرات اشوفك قبل ما تلمحـك عينـي

يا عل عمرك طويل اطول من ايامـي
خايف من الشوق في غيابك يعزينـي

وشلون ما اكتب شعر وعيونك الهامي
اصلا انا كل ما اكتب فيـك تغرينـي

ياضامي العشق واللي يعشقك ضامي
تحمد الله يومك طحـت فـي ايدينـي

[هم أنت]

المجله

الوضع يبغاله دراسه وترتيب
مليت من رتم الحياه الممله

قم ياقصيدي وانت شيخ المناديب
رح قلهم واللي على الدرب قله

سويتهم وسط قلبي معازيب
لانهم ربع ورفاقه وشله

عاملتهم بالطيب لكن وش الطيب
الطيب بعض احيان كنه مذله

حتى التجني له طريقه واساليب
لكن هذولا زادو الطين بله

اهل الردى والمصلحه والاكاذيب
تجمعوا من كل مذهب ومله

اطيبهم اللي مايودي ولا يجيب
يسبني والا يسب المجله

واعقلهم اللي لو يخط المكاتيب
ماهو منافس غير شكله وظله

ان جتهم طلعت في روسهم شيب
وان طولوها قلت سيفي واسله

ماني بقايل يمكن تصيب وتخيب
الحبل اعقده وارجع شوي احله

اغيب وارجع كني السيل واغيب
وابقا عطالله والعطايا من الله

يعني على قول المثل وش على الذيب
بنشوف منهو ياكل الجو كله

قصيدتي تلقا حفاوة وترحيب
والشعر يكتب لي شكر في سجله

انا عدو الكذب والحقد والعيب
ما اصافح الطيب عشان استغله

اللي يفتش عن عيوب وعذاريب
ان ما سكت ولا يجيب الادله

واللي يبيها بالشعر والمواجيب
اقلب عليه الطاوله في محله

[هم أنت]

نفس الحديقه

تواعدنا على نفس الحديقه
اشيل من الوله كل الأماني

قبل ذاك الوعد جيت بدقيقه
اخاف اني نسيته لو ثواني

يشب القلب في جوفي حريقه
على ذكر الوعد يضحك زماني

نطرته والصدر مافيه ضيقه
ابيه يعرف شوقي مع حناني

ترقبته وهو جاي بطريقه
يسابق خطوة اقدامه عشاني

وفجأه بانت بعيني حقيقه
تمنيت بحضوره مالقاني

سألته والحزن وشلون اطيقه
عسى قلبك حبيبي مانساني

نسيت العمر والورد ورحيقه
نسيت اني على فرقاك اعاني

ابي تسمع كلامي لو دقيقه
حسافه مادريت انك اناني

[هم أنت]

رقيق المشاعر

يارقيق المشاعر وين راح الحنان
ليش ماشلت قلبٍ طاح قدام عينك

الزمن هو زمانك والمكان المكان
وآخر الشعر كلمه تسألك عنك وينك

من تهقويت صوتك سولف الزعفران
عاد وشلون فنجالٍ تمدّه يمينك

تذكر شلون كنا والغلا كيف كان
يوم لاغبت عنّك ماأسمع الا ونينك

أشعر بخوف مدري كنت أحس بأمان
يكفي إن جيت يمك طار فيني حنينك

إشكثر كنت وافي واقرب الناس خان
بس اثق فيك حتى لو عيوني تدينك

راحت سنين من عمري وعمرك ثمان
يوم شحت سنيني عوضتني سنينك

زان عمري بقربك يعني الوقت زان
حتى جرد القصايد ربّعت في يدينك

طول عمري وانا لاوي ذراع الهوان
شفت يومك بعيني منهو يقدر يهنيك

ماأذكر إني نسيتك وأذكرك من زمان
وأذكر إني ضحية بين قلبي وبينك

تدري وش جابني لك لا تقول الحنان
جيت أبشيل قلبٍ طاح قدام عينك

[هم أنت]

وداعية

يعيش الحب وش يعني يموت الحب شي عادي
مادام قلوبنا ماتـت مشاعرهـا وهـي حيـه

أحسـب لاجيتـه علـى كيفـي يطاوعنـي
مغفل من يعيش بهـا الزمـن أحـلام ورديـة

من أول ماعرفتـك تعطـي إحساسـك وتمنعنـي
وأقـول تمـون يانبـع الحلا والحـب حنيـه

كثر ماكنت تكـذب فـي كلامك كنـت تقنعنـي
دليل اني علـى كثـر الجفـا سلمتـك ايديـه

عشاني قلتلك: مابدخـل بهـا الجـو طلعنـي
تـروح وتاخـذ الدنيـا معاك وتقطـع الجيـه

مع اني قلت اذا ماطاوعك الوقت الردي طعنـي
واذا ماحيتنـي كلك تعال شـويـه شـويـه

لك الله يوم أحي مشتاق لـك والشـوق يدفعنـي
كـأنـي رايــح للـمـوت بيديني ورجلـيـه

واعرف ان مر فـي بالـك تولعنـي تولعنـي
مادامه شي في بالـك تجيبـه ميـه بالميـه

وصلت لمرحلة حتى الشعور العذب يخدعنـي
واحس اني على النية وانا فعـلا علـى النيـة

بكملـك كلامـي بـس تكفـى لاتقاطعـنـي
بقـى جمـر الكلام ودمعـه بالعيـن مخفـيـه

أمانه قبـل أروح وينتهـي كـل شي طالعنـي
عشان تعرف وش معنـى العطا قبـل الأنانيـة

أبرحل والطريـق اللـي يــودي مايرجعـنـي
يبـي يغنينـي الله عـن هـوا حبك وطاريـه

خـذ البـاب بطريقك والعـذر ماعـاد ينفعنـي
تـرى ماعـاد لـك قيمـة ولا للحـب أهميـة

ومثـل ماتسمـع لعبـد الكريم أبيـك تسمعنـي
وداعية يـا آخـر ليلـة تجمعنا وداعـيـة

[هم أنت]

المكان

انا كل شي في هذا الزمان وعامل احسابه
ولكن ماعملت حساب بيوم افارق عيونك

لقيتك بس ضيعتك وكن الكون متشابه
اجل ماهي غريبه لاعدى عاقلك مجنونك

يناديك الخفوق ارجع يا اول واخر احبابه
وتمناك العيون اللي نظرها سارقه لونك

ترى مايقرب العاشق لمعشوقه سوى غيابه
ياقربك والدليل ان بخفوقي زادت طعونك

تذكرت المكان اللي بدينا وانتهينا به
وذكرن بوقتها كل الكلام اللي وقف دونك

ياكثرك لاطرى نسيانك وحدتني اسبابه
تجي كنك غزو تفرض مواعيدك وقانونك

لقيت بقربك الدنيا وغيرك ويش ابلقا به
تفضل جيت اقهويك القصايد واشرب بهونك

وتعزوا بي اليا من ضقت وغيري لاتعزوابه
ترى ما استاهلك لامن هقيت وخابت ضنونك

حبيبي او حياتي او خذ العمر وتسمّابه
تصدق كل ماتطري اقول اموت ماخونك

اذا هي بالغلا محدٍ سواك اغليه واشقابه
احس الشوق ياخذ من حياتي يوم يطرونك

كفا غيبه وعلمني وش اللي فيني اتهابه
ترى كلي ضعيف اليا سرحت وضعت بعيونك

[هم أنت]

لاصرت بايعني

لا والذي يرضيك لا تقول الأسباب
لا صرت بايعني توكل على الله

من باعني برخيص بعناه بتراب
ومنهو شراني صرت أنا فدوتله

كنت القريب وكلهم كانوا أجناب
حتى القمر لا غاب شفتك محله

ما كنت أميز قبل من كثر الأعجاب
يومك تساوى عندي الكون كله

واليوم مهما صار ما اجيك بعتاب
ودرب السنع كل الأوادم تدله

لا ذابحن روحي ولا قاطع ارقاب
ولا احاسب المخطي على كل زله

أن جيت وألارحت من جملة أصحاب
عشرتك تجبرنى أحجاجي أفله

ولا أني بوجه المعرفه قافل الباب
بس الغلا أنسي أموره وخله

ولا صار كل الناس تاليهم أتراب
أنا لي الله وأنت أمنتك الله

[هم أنت]

ابستريح

ابستريح وكـل مطـرود ملحـوق
ماهو بضايع جهدي اللـي بذلتـه

مادامها صارت مشاريـه وحقـوق
باحاسبك يا وقـت باللـي فعلتـه

اطارد الدنيا على مركـب الشـوق
حلمٍ عثـر فينـي وحلـمٍ وصلتـه

ارفع بصوتي يرجع الصوت مخنوق
ماخفت من بعض الحكي لين قلتـه

يوم المعاتب بين عاشق ومعشـوق
ما مرني عـذر الحبيـب وخذلتـه

والهاجس اللي صار لي سبه وعوق
جاني جوابـه ليتنـي مـا سألتـه

كان القصايد طايحه مالهـا سـوق
مارحت افتش عـن كـلامٍ جهلتـه

اما يجي شعري بالاحساس مسبوق
والا هذاك البـاب قمـت وقفلتـه

المسأله قبل الشعـر مسألـة ذوق
واللي عزلني عن طريقـه عزلتـه

الطير يغريه الفضا لاشلـع فـوق
وانا عزاي الـوادي اللـي نزلتـه

[هم أنت]

جهات الحب

شي عادي انك تجي وتوصل اعجابك
بس انت ماتدري انك جيت في وقتك

مريتني والنعاس يغازل اهدابك
كنك عرفت لمزاجي لين وافقتك

يوم الزمن جاء يصلح غلطته جابك
يوم انت مثلي تحب الصعب رافقتك

تايب من الحب لكني من اسبابك
وطيت رجلي على دربه وسابقتك

الحب ماله خوي لو كثروا احبابك
شفني من اربع جهات الحب طوقتك

الليله العشق جايبني على بابك
ماكني البارحه شفتك وعانقتك

تعال مثل الوهم واتركني اشقابك
عشان اقول اني احلم بك وحققتك

لو اقدر اهد حيلك واحرق اعصابك
ان كان دورتلي حجه وفارقتك

وسعت صدري عليك وجيت بعتابك
ولو ادري انك تحب الضيق ضايقتك

ماقلتلك غير احبك واكره غيابك
من يومها قلتلي شاعر وصدقتك

هذي القصيده عشان تواصل اعجابك
يوم اختصرت الزمان وجيت في وقتك

[هم أنت]

شرود ذهني

شرود ذهني وارتباك ونهايات
وكل شي بغيابك وصل للنهايه

ماراح اقول انك حبيب البدايات
اقول انادايم اعيشك بدايه

علاقتك اقوى صدى بالعلاقات
وحكايتك اجمل واغرب حكايه

اطلع من الواقع معك انت بالذات
لانك الواقع حتى لومو معايه

شعوري اكبـر من كلام وعبارات
مامر في قصه ولافي روايه

الحب مايبغى براهين واثبات
لانك بحياتي مطلب وغايه

اهجرني من مرة الى عشر مرات
مصيري القي في عيونك دوايه

لوسا ومتني في هواك المسافات
يكفي يوم جيتك جيت برضايه

لو كتب احساسي لك ابيات وابيات
صورتك في داخل عيوني كفايه

[هم أنت]

فديت صوتك

الشوق طاغي والمشاعر رقيقه
والحب مره باعني واشتراني

يافرحه القلب الحزين ورفيقه
فديت صوتك يوم صوتك دعاني

ياعمري لا منك بغيت الحقيقه
الواقع اللي جابني لك خذاني

البعد لو اقدر اعيشه واطيقه
ماشفتني قدام وجهك اعاني

مالي طريقه وانت مالك طريقه
ا لا القصايد والسهر والاماني

لو احسب ايامي معك بالدقيقه
ياصاحبي تزعل على الثواني

يوم القدر يرسم على الوجه ضيقه
انت البشاير بالفرح والتهاني

ويوم المراكب والبحور الغريقه
انت الشراع وطاري اسمك مواني

ويم الغلا يجمع عشيق بعشيقه
يكفي معك حضن الحنان احتواني

الورد ينسى شذاه ورحيقه
قل للغلا وش حجته لا نساني

قيدت نفسي والنوايا طليقه
عساني اسلم من عيونك عساني

لا زلت احبك والمشاعر رقيقه
والحب ليته باعني ماشراني

[هم أنت]

مختلف

ايه الشعر يوم اكتبه لعيون من يغري حلاه
ابني معه بيت القصيده ورجع اهدم بيتها

ماهو مهم اصبح نجم بس المهم اكسب رضاه
معاهده لو يطلب الثنتين ماعزيتها

هذاك عنهم مختلف في طلته في مستواه
حبتني عيونه قصب علي حبيتها

يومك بعد ياهاجسي تدري عن البير وغطاه
وشحاجتك بناس يو مك ازعلتني ورضيتها

كحلت بك عين الطريق وذابت عيونك معاه
وجيت اتباهى في كحل عينه ورحت اعميتها

اشبهك بالطير لا رفرف وحلق في سماه
ياهاجسي وناس ملتني وانا مليتها

هذا مكاني والطموح اللي تعبت اركض وراه
وديره اللي دونها نتل الشوارب جيتها

من طيب خاطر والزمان اللي عصاني من رداه
والحربه الي بيدي على العد وسنيتها

انا اشهد اني ممتلي ظيقه من الوقت وغثاه
تملي وهي كلمه على لساني ولا بديتها

مافي داعي والجفا مارد قلبي عن هواه
ولا المفارق بيدي احباله ولا شديتها

رحل قلهم يغريني المشوار والحلم ومداه
او قلهم لا سمو الغيبه غلا سنيتها

الصوت هذا لو يموت من التعب يبقى صداه
والرجل لو لا شرهة الخلان ماعنيتها

اثر القصيد اليا ارتوى عقب العطش ينسى ظماه
وثر الحبيبه كنها عندي وهي في بيتها

[هم أنت]

هيبة الجاني

أكيد انك على غفله نسيت وجبت لي سيرة
أو إني ما عرفت أعلمك وشلون تنساني

كثر ما كنت أشوف إن المفارق ضيقة وحيرة
كثر ما كنت أحس إنك ولهت وجاك ماجاني

أعرف الحب الأول ما يموت وما يجي غيرة
وأعرفك كل ما يطري عليك القرب تلقاني

أجل ما قلت لك ساعة معك تسوالها ديره
علام تزرع الغيبة قصيد وتحصد أحزاني

تغيب وما تبيني أطوي الدرب ومشاويره
وأنا لولاك ماكن القصيد يحرك أشجاني

إذا ماكل شاعر يكتب إلهامه وتفكيره
تعال إكتبني في دفتر حياتك وأعزف ألحاني

حبيبي والطعون اللي تجي من خنجرك خيرة
لان الجرح يأخذ هيبته من هيبة الجاني

تعبت وكل ذنب بغيبتك ماتت معاذيره
مثل ما كنت مسرف بالعطاية وأنت حرماني

تخيل حتى لو قلبي بديت أشعر بيتقصيرة
أدور لك لك قلب يعطيي والعمر فاني

لو إنك تفهم إحساس الغلا وشلون تأثيرة
فهمت شلون ما شوفك وأجيب أسمك على لساني

تصدق عاد أنا والشوق والإحساس والغيره
جلسنا كل واحد يشكي غيابك على الثاني

أقولك شي وماتزعل وتفضها سيره
أنا آسف نسيت أعلمك وشلون تنساني

[هم أنت]

المايكــ لكم

[براقه النحر]

مرات يفهمني غلط لا نصحته
غـير الكلام اللي تقوله عيـونه

انا ادري اني في كلامي جرحته
بس العتب سر القلوب الحنونه


اجمل بيتين واقربهم لقلبي صح لسان شاعرها ولا هانت باقي قصايده






مجهود واضح همومه لاهنتي غلاي

[بعيوني غلاك وبقلبي هواك]

الزمان هو زمانك..‏ والمكان المكان

وآخر الشعر كلمه تسألك عنك وينك؟

لاهنتي يالغلا

[مخاوية الدمعة]

قصايِــد و ابيـات جميلـة ..

و انتقاء يدل على ذوقـك الرفيــع ..

لا هنتــي ..

[هم أنت]

مرات يفهمني غلط لا نصحته
غـير الكلام اللي تقوله عيـونه

انا ادري اني في كلامي جرحته
بس العتب سر القلوب الحنونه


اجمل بيتين واقربهم لقلبي صح لسان شاعرها ولا هانت باقي قصايده






مجهود واضح همومه لاهنتي غلاي


حضورش يهمني:):):)

فديت روحش انـــــا:):)

[هم أنت]

الزمان هو زمانك..‏ والمكان المكان

وآخر الشعر كلمه تسألك عنك وينك؟

لاهنتي يالغلا

ولا هان مغليج يالغاليهــ:p:p:p

يسلمووووو على المرور

[هم أنت]

قصايِــد و ابيـات جميلـة ..

و انتقاء يدل على ذوقـك الرفيــع ..

لا هنتــي ..

حضور راقي كالعادهـ:):)

لاعدمت طلتج:p:p:p

[لامار]

ماأذكر إني نسيتك وأذكرك من زمان
وأذكر إني ضحية بين قلبي وبينك
تدري وش جابني لك لا تقول الحنان
جيت أبشيل قلبٍ طاح قدام عينك
......
العام يوم الوعد تسبـق وتنطرنـي
مستغرب شلون هالموعد تناسيتـه
......
وصلت لمرحلة حتى الشعور العذب يخدعنـي
واحس اني على النية وانا فعـلا علـى النيـة
......
اختيارات رائعه
و قصائد جميله و متنوعه
صح لسان شاعرها المميز عطاالله فرحان
و يعطيج العافيه عالطرح
..
( للتوضيح: قصيدهـ راسك علامك رافعه يوم أحاكيك .. للشاعر ثامر شبيب و ليس عطاالله فرحان )

...}

[هم أنت]

ماأذكر إني نسيتك وأذكرك من زمان
وأذكر إني ضحية بين قلبي وبينك
تدري وش جابني لك لا تقول الحنان
جيت أبشيل قلبٍ طاح قدام عينك
......
العام يوم الوعد تسبـق وتنطرنـي
مستغرب شلون هالموعد تناسيتـه
......
وصلت لمرحلة حتى الشعور العذب يخدعنـي
واحس اني على النية وانا فعـلا علـى النيـة
......
اختيارات رائعه
و قصائد جميله و متنوعه
صح لسان شاعرها المميز عطاالله فرحان
و يعطيج العافيه عالطرح
..
( للتوضيح: قصيدهـ راسك علامك رافعه يوم أحاكيك .. للشاعر ثامر شبيب و ليس عطاالله فرحان )

...}



تصدقين باللهــ العظيم انا ابي انزلها بقسم العام...

وليش حطيتهاا هني موعارفهــ:rolleyes::rolleyes:

بس لاتلوميني ترا ذابحني بوشبيب:(:(:(

واشكرج على التوضيح نورتي يالغاليهــ:):):)

[شيخة الغيد]

رقيق المشاعر

يارقيق المشاعر وين راح الحنان
ليش ماشلت قلبٍ طاح قدام عينك

الزمن هو زمانك والمكان المكان
وآخر الشعر كلمه تسألك عنك وينك

من تهقويت صوتك سولف الزعفران
عاد وشلون فنجالٍ تمدّه يمينك

تذكر شلون كنا والغلا كيف كان
يوم لاغبت عنّك ماأسمع الا ونينك

أشعر بخوف مدري كنت أحس بأمان
يكفي إن جيت يمك طار فيني حنينك

إشكثر كنت وافي واقرب الناس خان
بس اثق فيك حتى لو عيوني تدينك

راحت سنين من عمري وعمرك ثمان
يوم شحت سنيني عوضتني سنينك

زان عمري بقربك يعني الوقت زان
حتى جرد القصايد ربّعت في يدينك

طول عمري وانا لاوي ذراع الهوان
شفت يومك بعيني منهو يقدر يهنيك

ماأذكر إني نسيتك وأذكرك من زمان
وأذكر إني ضحية بين قلبي وبينك

تدري وش جابني لك لا تقول الحنان
جيت أبشيل قلبٍ طاح قدام عينك





رائعـة من روائع هالإنســان...الشاعر...الفنان...

أعشق هالقصيدة إلى حـد الجنـــــون....

وكل ما سمعتهــا بصوت أسمـاء المنور...أبكــي :(:(

شكراً لروعة إختيارك...لا هنتي لا هنتي

[هم أنت]

رائعـة من روائع هالإنســان...الشاعر...الفنان...

أعشق هالقصيدة إلى حـد الجنـــــون....

وكل ما سمعتهــا بصوت أسمـاء المنور...أبكــي :(:(

شكراً لروعة إختيارك...لا هنتي لا هنتي


نورتي يالغالية

//
لاهنتي شيوخ

[كبيره ولكن الزمن ماعرف لي]

فعلاً هو بصمه

غاليتي هم أنت


يعطيك العافيه

اختيارات سلسله

تقبلي مروري

ودي لك

كبيره ولكن الزمن ماعرف لي

[هم أنت]

فعلاً هو بصمه

غاليتي هم أنت


يعطيك العافيه

اختيارات سلسله

تقبلي مروري

ودي لك

كبيره ولكن الزمن ماعرف لي

كلج ذوووووق وربي

لاهنتي يالكبيرهــ:):):)