(( قبــر وظــريح ))

[عمر اللهيميد]

السلام عليكم ورحمه الله وبركاته





الهم ليلٍ يغطي خيط فجر المديح = والحزن دره من بحور العمر صدتها

والجرح رجلٍ من ظروف الليالي طريح = والنفس هذي قصيده معظله صغتها

والقلب مسلم رضى في شوف وجهه المسيح = والعين سوده بثوب الليل لبستها

اشكيك ياقلبي من جور الزمان الفسيح = اشكيك وان قلت للجوزاء بعد طلتهاااا

ياقلبي والله لو تدري بحال الجريح = ماكان لمته ولا عيونه ... بعد لمتها

ان قلت قول الصحيح اتقول قولك صحيح = اقولها وان دريت بعلتي قلتها

اقول هرجي نبط ولا اقوله فصيح = ياقلبي النفس عافتني وانا عفتها

مليت من قرصه العقرب ونفخ الفحيح = والداب ملتف على الشجره ولا شلتها

سويتلي في مكان الحزن قبر وظريح = والناس طافت على قبري ولا طفتها

والمهره اللي على كبوة جوادي تطيح = روضتها مير جابتلي رسن اختهاا

دورت بين العرب قاضي يسمى شريح = ودي بشوف العداله مير ماشفتهاا

اطيح عادي ... ومره ماقويت المطيح = والدره المسعده بالحيل ماصنتها

ابوس راس الكرم وآطق راس الشحيح = وابوس ام الليالي وان بغت بنتها

انا بوجهك ياقلبي شوف وجهه القبيح = انا بوجهك ياقلب الهم وان جبتها

يبقى مقامك كبير ووجهك ابيض فليح = وانا ليا عاندتني دنيتي ... بعتهاا
















عمر اللهيميد __ الجهراء

[محمد الفارس]

صباح جميل وإطلالة أجمل

صح لسانك يا شاعر الجهراء

[لامار]

دورت بين العرب قاضي يسمى شريح = ودي بشوف العداله مير ماشفتهاا

اطيح عادي ... ومره ماقويت المطيح = والدره المسعده بالحيل ماصنتها

ابوس راس الكرم وآطق راس الشحيح = وابوس ام الليالي وان بغت بنتها






نص رائع و أبيااآاآاآاآت معبرهـ ..

رآقت لي كثيراً..

صح لسآنك .. عمر ..}

[هم أنت]

صح آلسانك ملآآيين شاعر الجهراء

[مخاوية الدمعة]

تسلم يمناك ياخوي ..

و الله لا يهينك على هالقصيدة .. صح لسانك

[براقه النحر]

صح لسانك ملايين قصيده جزله مو غريبه عليك شاعرنا