عصبي فتح منتدى :))) لا يطوفكم

[فــردوس الــغــلا]

السلام عليكم ورحمة الله وبركاتة

عصبي فتح منتدى جديد شوفوا شروووطه..


لقد تغيرت شروط التسجيل في المنتدى ....

وتم تغيير مسمى المنتدى لتواكب مرحلة ما بعد
الحرب الباردة

اعرفوا الشروط زين....وافهموها....

واللي ما يبي هالشروط جعل اصابعه اللي طقت
على الكيبورد الكسر...
ولو ما عليه كلافه يطق راسه باقرب جدار....
حنا ما نلعب....
واللي يبينا حياه الله بيننا....فهمتوا.

بما ان هذاالموقع موقعي بروحي لابارك الله فيكم
وفي الساعة اللي فتحت لكم هالموقع....

فاللي يبي يسجل معنا يوافق على الشروط
من ورى خشمه ....


والشروط هي...

1- اللي يسب اي واحد من الاعضاء بنجيه وبنربط حواجبه في صدامات الهايلكوس
وبنروح
ونطعس فيه باقرب طعس...

قايلكم حنا مانلعب


2-اللي بيخربط بالدين ولا بالسياسه....
هذا عذابه عذاب.
بخليه يتخيل انه قرد ولا عمره ذاق موز....

وابحجز له على اقرب رحله على طياره ترش الجراد
وابرقي فيه على ارتفاع 50000 الف قدم

وبرضخ به على خوص نخله...
علشان ما يعودلها.....

قايلكم حنا ما نلعب


3- انتم اعضاء لكم تكتبون بس....
ولااحد فيكم يسوي لي فيه مراقب
مانبي مراقبين.....

فهمتوا ولا افهمكم...


4- مسموح كلمة وجع عمى بل رد والتعقيب
.فهمتوا...
صح ولا ماهو صح...قولوا صح لابارك
الله بالساعه اللي جمعت هالخشش
فيها...
واللي بيزعل بنخربط وجهه ونخليه يطالع في
المرايه ويطلع الاخطاء التسعه
عشر....
ايه تسعطعش...ساحتنا وحنا حرين فيها


5- اللي بيسجل باسماء قبايل وعوايل...ولا مخله بالادب....
هذا بنوديه لااقرب حكيم وبنكويه
من علبااااه..
وبعدين بناخذه لأقرب جليب...وبنغطسه وبنطلعه...ونغطسه ونطلعه الين مايقول...
.
ان الددسن سياره... قايلكم مانلعب...



6- قريتوا الشروط........هاه عجبتكم....
فهمتوها...طيب ما عندناتسجيل هالايام....
واللي يبي يسجل
معنا يرسل لي ايميل على التلفون حقي
اللي ماني ذاكره لكم...
لان الدعوه عناد...

واللي براسه حب ما
انطحن....
تراي ابطحنه له....

واذا فيه خير يقابلني وين ما يبي....

ملاحظه......
اللي بنكتشف انه رجال مشورب
ويكتب باسماء بنات...
ولا بنات تكتب باسماء رجاليه
هذولي بنخلي
خششهم
كلمات متقاطعه يصعب حلها.....

والله ما يضرب بعصا يا سرع طيحتهم


موافق.................
غير موافق...............


واللي فيه خير يكتب غير موافق..............

:D

:p


:eek:


:mad:

[اشواق]

لا خلاص يبه موافق موافق ...

بس لا يذبحنا هذا ...

هههههههههههه

يا عساني ما اسجل عنده يا تغاريد ...

[الريم الظفيري]

امحق منتدى...
مايسوى علينا..
يعطيج العافية ياتغاريد..

[فــردوس الــغــلا]

هههههههههه

أشواق

تخيلي صج ...؟؟


فديتكِ على المرور يا الغلا

[فــردوس الــغــلا]

هههههههه

الشامخة

شرايج نسجل فيه .؟..

هههههه

ألف شكر على المرور فديتكِ

[تكفيني الذكرى]

ايه هين
ليه بايعٍ عمري اسجل فيه
اقول
.
.
.
ياعمار يافراديس

[فــردوس الــغــلا]

تكفيني الذكرى

مالي شغل راح تسجل فيه

هههههه

فديت الفراديس وبس

[تكفيني الذكرى]

تغاريد أنا بسجل فيه

لكن دمي برقبتك
.
.
تغاريد أمانه لاتنسين تثبتين مواضيعي كلها
وسلمي لي على الاعضاء كلهم
أنا بروح اسجل
.
.

[فــردوس الــغــلا]

لالالالا خلاص

لا تسجل أخاف أكلها
أنا

هههههه

أبشر أنت سجل وأبشر
بعزك

:)

[تكفيني الذكرى]

هانت العشره
افا

[جابر]

امحق منتدى شنو هذي الشروط الدايخه ههههه
هذا يسوي منتدى والا يبي يتهاوش
الله لا يحط بيده سلطه هذا يجيب العيد بالناس
ههههههههه
الحمدلله اني بالفراديس ولا عنده كان كل يوم وانا متهاوش معاه
شكرااااا تغاريد

[فــردوس الــغــلا]

جابر

دام كل يوم بتهاوش معاه

اجل الحمدالله أنك هني

ههههههه

ألف ألف شكر لمرورك الرائع