جديد أبياتي حمود جلوي

[حمود جلوي]

الله يذكر ذيك الأيــــــــام بالخير
أيـــــام ماكنت بعيونك لحـــالي
أيـــام ماصارت ولا مثلها يصير
عيت تفـــارق في غيابك خيالي
أيـــام كانت فـي مشـاويرها غير
يوم ( .... ) شاق قلب الشمــالي
تدري وش اللي دمر القلب تدمير
إنك لغـــيري صرت وإنت حلالي

[حمود جلوي]

لا تسأل اللي حب وشـــلون حبيـــت
روح اسأل قلوب الوفا شلون خانت
من دنيـــة الوجهــــين يـــارب مليت
يــوم القـــلوب اللـــي تـــكاره تدانت
لا ياعيوني من سمـــــع لا تعـــزويت
حتى النفوس الطيبه اليوم شانت
ولا عاد لي يادنيــتي بالهــــوى بيت
من خانت اللي داخل القــــلب كانت

[حمود جلوي]

وليلة كانت الجهراء غيابي وآخر احبابي

ودمعٍٍٍ جرح أطراف العيون وعطر ثيابي

[حمود جلوي]

واللي خلق موسى وعيسى وهارون

إني كرهتــك كثــر ماكنت أحبـــك

[حمود جلوي]

سندتها صوب ( الجنوب ) وتوكلت

الله يجيبك يالــعـــواقـــب ســـــليمة

[حمود جلوي]

خايف أسولف لك عن اللي في خفوقي وأخسرك

وخايف إلى من طــول اسكوتي امـوت بـحسـرتي

[حمود جلوي]

أدري وحشتك لـو تكـابر بصـدك

وادري خـيالي مايـفارق خيـالـك

وادري حنينك صوب قلبي يحدك

حتى فــ بعـادي ماتركتـك لحالـك

[حمود جلوي]

ياللي تطالعني بطرف عين وتطوف

للحــين عطـرك عالـقٍ فـي ثـيابـي

لاصرت ماتحسب حسابي وانا اشوف

في غيبتي وشلون تحسب حسابي

[حمود جلوي]

كل عام وانت بضيق وجروحـــــــك بخير
وكل عام ياعـــــلك من الحـــــال وأردى

ويا الله عسى مالك جنـــاحين وتطـــــير
خضـــــرا طعونك وارض الافراح جردا

[حمود جلوي]

عاشت يمينك صوابك جاني بوقته

من وين محتاج حق صدمة تصحيني

[حمود جلوي]

أنا لا ضاقت الدنيا بعيوني مابكت لي عين

لقيتك عيني اللي من جميع الناس تبكيني

[حمود جلوي]

راحوا مع اللي راح قبلك ملايين

السالفـــــة ماهي بــــأول بـــلاها

مليت اقول لضيقة الصدر: بعدين

وبعدين مدري وين ابوصل معاها

[حمود جلوي]

خايف يطول الصمت وتضيع مني

وخايف اسولف واجرحك في كلامي

مليت اعيشك للوعــــــد والتمــــني

على امل في يوم احصل مرامـــــي

[حمود جلوي]

على كثر ماشفت بالناس من الناس

ماشفت احد في يوم مرة وقف لي

وعلى كثر مامرت بعــيني اجنـــاس

انت الوحـــيد اللي احســه عرفــــلي

[حمود جلوي]

مومشكلة إنك كبير وتدري بنفســـــــك كبير
ماتفرق ان طالت معاك السالفة والا قصرت

المشكــلة لا كــبروك بصوتهم وانت صـغير
وانت عليــــها زانت الفكرة براسك واكبرت

[حمود جلوي]

ليل انتظـــارك خناجر يالعيون السـود
الليــــل قاســي ولـيل المنتظـــر أقسى

الجرح بــاقي مكــانه ياعــيون حــمود
كانه نسى الجارح ..المجروح ماينسى

[حمود جلوي]

ملكت في شعري قلوب الكثيرين
إلا انتي قلبــك للأسف مــاملكتــه

ماشي وراك وربي مدري على وين
كل درب اشوفك تسلكينه سلــكتــه

[حمود جلوي]

ما أوعـدك لكــن عسى ربك يعين
بقعــد مع قلبـي واحــاول اقنــعــه

يمكن راسه بالحكي شـويه يليــن
وأقدر أسولف وآخذ وأعطي معه

[حمود جلوي]

بعض البشــــر غايب وعيــنك تشوفــه

وبعض البشر يغني عن الشوف طاريه

[حمود جلوي]

لا تحسب الدنيا تجيلك على الكيف
ما دامـــــــت الدنيــا لمخلـــوق قبلـــك

[حمود جلوي]

تدري وش أكبر ما خسرت بحياتي

دمعة عيوني يوم طاحت عشانك

وتدري وش أعظم ما تحطم بذاتي
قلب ٍ تعذب في غرامك وصــانك

[حمود جلوي]

ياقلب لا تزعل علـــيـه وتناســـــاه
من باع لك نفسه طبـيعي يبيعـــــك

دامـــه تحداك بغيــــــــــــابه تحداه
إمـــا تطــيع الوقــت وإلا يطيـــــعك

[حمود جلوي]

مليت أســـــــــولف للمدى عنك للـــــريح
لأقصى مســـافات النهايــــات ويــــنك ؟؟

أضيق وأزعـــــــــــــل وآتعثر ولا آطيــــــح
كل شي يهــــــون إلا أني أصغــر بعينــــك

[حمود جلوي]

خنتك بعد ما شفت الاخلاص وياك

يا صاحــــبي ماجــــاب أية نتيجــة

[حمود جلوي]

ياللي تقول انساني شلون بنساك ؟

وأنا أحســـك قطعــة مــن حيـــاتي

[حمود جلوي]

ياللي تسولف لي عن الشوق وتعيد

أي شوق وانته عشرة سنين غايب

[حمود جلوي]

البـــــارحة واحـلامنــا بالسمـــا فوق
كانت تطــــولك لابــــغيتــــك ايديـني

واليــوم مدري شصار ياأعز مخلوق؟
كل شي بنــيته طـــــاح قدام عيــــني

[حمود جلوي]

ياللي مضيع وين همك تلاقيه
كل الهموم الضـايعة بي تلاقت

[حمود جلوي]

قــرب وشــوف شلون الأيام تمشي
عكس الدروب اللي خفوقك مشاها

لا صـــار ما ظــلل مواطيك رمشي
عســـاها ماتبكيــك عيني عســاها

[حمود جلوي]

يوم الغــلا يقرا قصيــدي ويهــــواه
ويوم الســوالف كانت إحساس ثاني

كنت اتحدى نفــــسي بيــوم إنســـاه
واقـــول ماينسى ... ولكن نســـاني

[حمود جلوي]

صباح اللي زعل لكن يبي يرضى على شاني
صباح الدمعه اللي مابعـد جـــفت من خــدوده

صباح العطر وانفاس القصــيد ودلة احزانـي
صباح احساسك المجنون لامن جاوز حدوده

[حمود جلوي]

ما نخـلقت عيونك على عشان الاحزان
اضحـــك فديــت عيـــونك اللي بــكوني

دنيــاي ما تسوى دموعــك على شــان
أجـــي وانـــزل دمعتـــــك يــا عيــوني

[حمود جلوي]

نامت عيونك كثر ماتسهر عيوني

ليتك تشوف شكـــثر عانيت بغيابك

[حمود جلوي]

لا صرت ما أنته بقد جنــون مجنونك
تكــــفى طلـــبتك زيــــادة لا تجـــنني
يــكفيني اللي خسرت لخـاطر عـيونك
وأنا أضحــي عشانك من صـغر سـني
واليوم تكــفى بعيــش اليوم من دونك
إمـا ابتعــد عنــك والا تبتـعــد عــني؟

[ذبحني حمود]

صح لسانك يا زعيم
ربي يحفظك من كل
مكروه

[حمود جلوي]

حالي مع العشق من قاسي إلى أقسى
والعشق عند النسا ماشفت له خاطر

تعشقــك فــترة وإذا تزوجت تنـسى
وإنت تعيش العمر من بـعدها نــاطر

[حمود جلوي]

اللي نساني وأنا في قمة أحـزاني
مابيه يوم اضحكت دنياي يذكرني