قصــة وقصيــدة

[تكفيني الذكرى]

لاتوجد قصيدة من غير قصة مهدت لولادة تلك القصيده
.
.
.

سأبدأ معكم أول قصة لقصيده
أخترت هذة القصيده متعمد لأن قصتها تكمن في ابيات القصيده


أمولهـ

من أجمل ماسمعت من قصائد الغزل

قصيده من العيار الثقيل

أعجبتني وأنا متأكد بأنها سوف تعجبكم

ولا أعلم إن كنتم قد قرأتوها من قبل أم لا

القصيدة للشاعر الجميل " ممدوح الراوي "





مرت تجر العطـر والثقـل والزيـن
وانا مثل كل الشبـاب وقفـوا لـه
عطره يذر العطـر علـى البساتيـن
ثقله يسولف عن نسب عـن حمولـه
فستانها ذايـب بخصـره مـن الليـن
وخصره من الفستان ياخـذ عمولـه
ايـو الله انـي حاسـدك يالفساتيـن
ياحظـك بخصـره بعرضـه بطولـه
بعيونها سيوف العرب يـوم حطيـن
منها النفاذ " بجلـد قلبـك " بطولـه
أقفت وأنـا عينـي عليهـا لهالحيـن
مالوم عيني " ياخـذ العقـل " زولـه
وناديتها " يامترفه " وبطـرف عيـن
قالت : أنا . قلت : إيه . قالت : أموله
أموله .. مية مرحبا . قالت : أهليـن
أموله : عندي بيـت ممكـن أقولـه
قالتلي:قوله.قلت:الانسان مـن طيـن
اما أنك أنتي طيـن ماهـي معقولـه
أنتـي أظنـك بالعطـر تستحميـن
واجـزم بأنـك بالجمـال مغسولـه
شوفي شكل شفايفـك قاهـر التيـن
والجمر يكـوي والثمـان امعسولـه
" اموله " أنتي غيـر كـل المزاييـن
انتي مثـل فصـل الربيـع وحلولـه
قالت : منين ؟ وقلت له : يعني منيـن
ماتعرفين اللـي ذبـل مـن ذبولـه
قالت : وش اسمك بس تمتمت ميميـن
وآخر ثلاث حـروف دوح امغيولـه
قالت : معي للقاهرة . قلت له ويـن
عادي تقول القاهرة بكـل سهولـه
" أمل " أنا رجـال بلشـان بالديـن
وينـي وويـن القاهـره يامهبـولـه
أقساط وحسابات والراتـب الفيـن
وحزمـة مشاكـل اتعبتنـي حلولـه
" اموله " روحي لازم انتي تروحيـن
أنتي المطار مصاحبـك مـن طفولـه
وتذكّرينـي عنـد الاهـرام تكفيـن
تذكـري حـال النحيـل ونحولـه
" أموله " أنتـي تذكـره لاتحجزيـن
روحي كـذا تستقبلـك أي دولـه





تحياتي