للعيد وضيوف المسا

[الجفول]

كل عام وأحبتي بألف خير
ومن العايدين الفايزين أن شاء الله



اليكم هذه المتواضعه
وعسى أن تلقى قبولا






لليـل وطيـور السمـا والقناديـل
وللشعر وأحلامي وأساطيـر سلمـى

وللغـي ف خصـور العذارالمفاتيـل
وللحب وأسراب القطا وجغمة المـى

وللهمهمه في شعر فـاق التفاصيـل
ولأحساس مرهف في دياجير ظلمـى

وللعاشق اللي كل ما هام بي حيـل
أبحر من طيوف الغلا منه وضمـى

وللعيد وضيوف المسـا والتعاليـل
وللأنتظـار اللـي تبـدده أسـمـى

ياسيـدي غنيـت كـل المـواويـل
وأطربت كل هالكون وهالشوف أعمى

صوتك نغم يسري بسمعي هلاهيـل
وصدرك وطن يجتاحني حيل وأظمى

صوت الربابه بداخلي هـدت الخيـل
وميلة أعقال وبيـرق العـز يحمـى


ودحة شيوخ وريحة البـن والهيـل
ومشاعر العشـاق وقلـوب تدمـى






لقلوبكم ألف تحيه


الجفول من الكويت

[فــردوس الــغــلا]

صوتك نغم يسري بسمعي هلاهيـل
وصدرك وطن يجتاحني حيل وأظمى


الجفول



أيُ حروف تعبر عن إعجابي بكِ


الله عليكِ الله على حروفكِ
الأنثويه الذهبية الرائعة الفاتنة ..



صح ألسانكِ بعدد حبات الرمال
وعدد قطرات المطر ..



حضور نسائي بكل شموخ
وقوة ..


كل الشكر لــ روحكِ
غاليتي

[بعيوني غلاك وبقلبي هواك]

صوت الربابه بداخلي هـدت الخيـل
وميلة أعقال وبيـرق العـز يحمـى


ودحة شيوخ وريحة البـن والهيـل
ومشاعر العشـاق وقلـوب تدمـى اتصور ياالجفول هذه احلي عيديه منج حقنا يسلموو خيتو :)

[بنت عطا]

يعطيج العافية يالجفوول على العيديه الحلوه