ورط اللي بعدك بسؤال

[فــردوس الــغــلا]

ورط اللي بعدك بسؤال

ويجب الإجابة عليه

:)
:)
:)
:)

يلااااا خل نبدي

[فــردوس الــغــلا]

اللي بعدي السؤال؟؟




ماذا تتمنى لنفسك ..؟؟

[الريم الظفيري]

اتمنى...

طول الصبر والراحة..

[الريم الظفيري]

سؤالي...

رأيك فيني وبصراحة...

[فــردوس الــغــلا]

قمة الأدب والأخلاق والذوق



سؤالي

هل وصل بك الحب إلى درجة
العشق..؟؟

[الريم الظفيري]

بعد عمري ... فدييييييييتج

نعم وصل الحب الى العشق وذروته

[الريم الظفيري]

هل طعنت من صديق...؟

[فــردوس الــغــلا]

لا لأنني أعرف من أختار
جيدا ..

سؤالي

هل تمنيت الموت في يوم
من الأيام؟؟

[تكفيني الذكرى]

فردوس الغلا
.
.
الموت حق وكلنا ذايقينه.... مير البلا من ذاق موتَ ولا مات

.
.
بالتأكيد لا
لأن الحياة ليست ملكي بل ملك من خلقني



سؤالي هو
هل أنت من ضحايا الغدر؟

[فــردوس الــغــلا]

تكفيني الذكرى


اطغيت حتى القلب بالغدر معميه
.الصبح لك قلبٍ مع الحب يهواه
والليل لك قلبٍ من الغدر ماليه
كنت الامل والنفس مثلك تحراه





الغدر لا تتقبله النفس ولكنها
قد تمر فيه دون أن تشعر
بذلك

من قريب مستحيل


سؤالي

هل ينزل الحب الأول مع مرور
الأيام من مكانه ويسمح لغيره؟

[تكفيني الذكرى]

تدرين تغاريد
أنا بقول هالقصيده ومن خلالها ابحثي عن اجابه سؤالك
.
.

الحب مثل الشوك يقوى إلى مات
ويصبح سهوم تجرح القلب والروح

أول حياتي بين عبرة وونات
يوم الرجا بحبيب القلب مفتوح

واليوم زاد الهم هم وضيقات
والياس لاح وزاد جرح من جروح

ياليتي انسى مامضى بس هيهات
وياليتي أدله واترك الحزن والنوح

إليا ذكرت ام العيون الوسيعات
كن الحشا من حرتي فايح فوح

ماباقي الا فوق روس الطويلات
أصيح باسمه وارفع الصوت وانوح

يانور عيني ماهقيت انت بالذات
تترك وليفك ضايق الصدر مجروح

الله يبيحك وانت تسمع هالابيات
بالحال ياللي سكنك بمهجة الروح

ضم الكتاب وقبله خمس مرات
ياعل في تقبيل الابيات مصلوح

[فــردوس الــغــلا]

أجابتك وصلت

قمت بالبحث عليها من
خلال أبياتك و تم التعرف
عليها

يعني:

أقول بنسى وأحسب أنى نسيته


الحب الأول صعب نسيان راعية




عانيت فى بعده كثر ماهويته


لاحتلت فى قربه ولانى بناسية




الله عطانى من غلاه وعطيته


وغيره بغا منى ولانى بمعطية



له منزلا فى وسط روحى بنيته


جدرانه ضلوعى هو ساكن فية

[فــردوس الــغــلا]

أين سؤالك..؟؟ :)

[جديع الشمري]

بيت شعر قريب منك حيل ؟

[فــردوس الــغــلا]

أبذكرك مــادام فيني بعد روح

مـا أنساك إلا إذا عـانق الموت روحي

[فــردوس الــغــلا]

شخص لا يمكن أن تتخلى عنه ..؟؟

[علي سعود]

الغاليه أمي

أمووووت ماشفت دمعة أمي

[علي سعود]

سؤؤؤؤل لمن بعدي

ماذا تعني لك دمعة اليتيم

[الريم الظفيري]

فقدان السند.. وفقدان الحنان

[علي سعود]

الصحيح لا؟


ولكن سؤؤؤل


ماسبب هذا السؤؤال

[الريم الظفيري]

سؤال:..
ليه مو مرتاح عسى خير..؟

[علي سعود]

السؤؤؤل اللي بعده لو سمحتي

[الريم الظفيري]

هههه
مايصير جاوب

[علي سعود]

الجواب رحنا ملح ههههههههههه

[الريم الظفيري]

اممم..

متى اول مرة انطقيت..؟ وليه..؟ وشنو سويت لما انطقيت..؟

[تكفيني الذكرى]

وش هالسؤال!
لكن بنجاوب
للعبره
ايام الطفوله وياكثر الطق اللي جاني
لكن اللي في مخيلتي لحد الحين
أيام العيد وكانو الرجال جالسين في الحوش وكان معي صاروخ ولعته ووجهته يمهم
وحاسهم حوس
تركوني حتى جيت ابجلس عندهم قام اخوي وعطاني ذاك الكف اللي بعده عرفت ان الكوره الارضيه تتحرك
وبعدها اطربت الحضور بانواع الصياح

[الريم الظفيري]

هههههاااااااااااااااااااااااي..

اعوذ بالله ياكثر ماضحكت اليوم..
الله يستر من اتلاها

[الريم الظفيري]

تكفيني..

وين سؤالك..؟

[تكفيني الذكرى]

حاضرين
والسؤال تراه لك

[الريم الظفيري]

لا انا امي تناديني>>> تتهرب

[تكفيني الذكرى]

ذقتي طعم الجرح؟
إن كان جوابك لا
احمدي ربك
وإن كان الجواب ايه
وشرايك بطعمه؟

[الريم الظفيري]

مو قلت الله يستر من هالضحك.
لازم تهيض الجروح..

للأسف ذقته.. وذقت انواع منه..
طعمه.. مر جداً جداً وعلقم.. ومؤلم..
ان تكلمت انجرحت وان سكت مت قهر..
شكرا لك

[الريم الظفيري]

سؤالي..
شنو الفرح بالنسبة لك..>> تفاءل بالأسئلة ياخوي خل الجروح مدفونه

[تكفيني الذكرى]

قرأت مواضيعك يالشامخه والرد عليها
هذا يفرحني
.
.
.
واللي يفرحني بعد
رسم الفرحه على وجيه الغير

[تكفيني الذكرى]

نعم للتفاؤل
كم مجموع قيمة فواتير شراء مقاضي العيد الماضي

[الريم الظفيري]

ههههههههههههاااي
والله انا مو من النوع اللي اصرف.
و والله مااذكر..

[الريم الظفيري]

سؤالي..
اذا اختك قالت ابي السوق توديها..؟>>> ابي الصج..

[تكفيني الذكرى]

تبين الصج اوديها ولو على ظهري
مالنا غنا عنها اليا اعتزت وقالت أنا أخت علي

[تكفيني الذكرى]

سؤالي
ليه السوق عديل الروح بالنسبه للمرأة

[الريم الظفيري]

لأن المرأة بطبيعتها تحب الجمال والتجديد

[الريم الظفيري]

امممم... سؤالي رايك فيني..
وترا تقدر تكتب فيني قصيدة>>>>ههههههه

[تكفيني الذكرى]

تنحبين والله

مواضيعك تعكس لنا شخصيتك الرائعه
ردودك تُظهر لنا طيبة نفسك
.
.
اما القصيده ابشري فيها

[تكفيني الذكرى]

وش تحب الصيف ولا الشتاء؟
هالسؤال ياهو بريء

[الريم الظفيري]

صراحة صيف الكويت حلو..

خبرك ثلوج وامطار..

اما الشتاء اكيد احلى على طول البر

[الريم الظفيري]

سؤالي شنو تقول لصاحب المنتدى..؟

[تكفيني الذكرى]

شكرا من اعماق قلبي

[عذوب الحربي]

تكفيني الذكرى وين السؤال ؟

خلاص ولايهمك انا اسأل

واللي عنده الاجابه يفيدني بها

ابســألك يا مـدير الحــب ......سؤال وابغى اجـاباته

اللي رسب فـ اختبار الحب...يعيده ولا الهوى فـاته؟؟

للامانه الابيات مقوله

تحياتي لكم

[تكفيني الذكرى]

عذوب
الحب نعمه على الانسان.... كلٍ تعذب على شانه
الشوق في داخلي نيران....والحب ياصعب نسيانه
.............
اللي رسب في امتحان الحب
ملزوم يعيده

[الــذآهـــبـهـ]

على حسب شخصية الإنسآن
لكن يآخذ العظهـ والعبرهـ ..

...


تعتبر الحب غبآء أو ذكآء ؟؟

[الريم الظفيري]

الحب غباء وذكاء.. على حسب اللي يحب..؟

[الريم الظفيري]

شنو تغديت..؟

[الــذآهـــبـهـ]

:) وين السؤال يا شمـّـو ؟؟

[الــذآهـــبـهـ]

:) رديتي حطيتي السؤال :)


بعدني مآتغديت قبل سآعتين ونص تريقت :)

[الريم الظفيري]

وين السؤال ياحظي..

ولا الجوع مأثر عليج..؟

[اشواق]

أنا تغديت مجبوس دجاج >>بالعافيه علي ..

سؤالي للشامخه ...كم عمرج !!!!

>>سؤال شرير نيههههههاي ...

[الــذآهـــبـهـ]

ههههههههههه جآوبي شمــّـو :)

[الريم الظفيري]

على قولتج طالعه من اي كهف..>> تذكرين..؟

عمري 26 >>> العمر كله لي يارب

[الريم الظفيري]

الذاهبة لاتدورين السوالف..
جاوبت

[الــذآهـــبـهـ]

هههههههههههه لا بس كنت بعرف :)



حطي السؤآل بمآ إنج جآوبتي _*

[اشواق]

على قولتج طالعه من اي كهف..>> تذكرين..؟

عمري 26 >>> العمر كله لي يارب

يوه يوه يوه

حاطتها بقلبج من هذاك اليوم ...!!!!

العمر كله ...

سؤالي للذاهبهـ يا الله يا بطله كم عمرج !!

والا شاطره حق التشمت !!!!>

[الريم الظفيري]

الذاهبة كم عمرج..؟

شواقه كم عمرج..؟>>>> شواقة دايم تنام بدري للمدرسة اتوقع 14 كاااااااااااااك

[الريم الظفيري]

لا والله مو بقلبي بس وانا اكتب الرد طرت علي خبرج العجوز لا خرفت كل شي يطري عليها..

[الــذآهـــبـهـ]

فديتج شمـّـو بوسهـ على رآسهآ ..


تآمرون أمر بقول عمري << استحت :)

بس مو كأنآ غيرنآ مسآر الموضوع للتعآرف ههههه


23 سنهـ

[اشواق]

ههههههههههههههههههههههاي

اي انام بدري >>هين

انا ما انام بدري >>انا يسحبون مني الاب بدري ...

عرفتي السر ...

عمري أشكره بملفي الشخصي ...19(مواليد الغزو

[الريم الظفيري]

العمر كله لكم يارب

[الريم الظفيري]

لا تقولون انا اكبر وحده من العضوات بالمنتدى اذا صج بحذف مشاركتي
ويكون سر بيننا

[تكفيني الذكرى]

العمــر كــله

[هواجيس قلبــي]

مـــــــــــاذا تفعل لاضـــــــاق فيكـ الكوووون ؟

[اشواق]

افضل اعتزال العالم ...

س\ ما اغلى كنوز الارض لديكـ\ـي ؟؟

[هواجيس قلبــي]

,, رضـــا الله و رضا الوالدين ...

س / من اقرب انســـان لكــ بالدنــيا ؟

[الريم الظفيري]

الوالدين.. والاخوان.. وولدي,, والجدة

[الريم الظفيري]

امنية ندمت على تمنيها,,؟

[اشواق]

اني اعيد ال12 عشان النسبه ..

بس عدت ما بقا شي :)

[اشواق]

انسان تود ان تملك تفكيره !!!!!

[فــردوس الــغــلا]

من أدعو الله دوما أن أملك تفكيره هو
زوجي ..


س.. أذا كتبت قصة حياتك بكتاب فمن
تهديه هذا الكتاب..؟؟

[هواجيس قلبــي]

اهديه لشخص له فضل كبير في حيااتي ... ويعني لي الكثير اهديه لحياااتي ... (ابــــي العزيز )


من صندوق اسراركـ ؟؟؟

[فــردوس الــغــلا]

أفضل الصمت دائما ولكن أذا
قررت أن أبوح فــ لوالدي..


من يعادل روحك التي تعيش بها ..؟؟

[الريم الظفيري]

ولـــدي...

[الريم الظفيري]

متى بكيت من قلب..؟ وليه..؟

[اشواق]

25\5\2009....لحظة فراق ....



س\تجربه تود تكرارها !!!

[فــردوس الــغــلا]

تجربة غريبة بعض الشيء
حدثت معي قبل سنة ونصف ..

[فــردوس الــغــلا]

ما هو الشيء الذي لن
تنساه طول عمرك
بالــ فراديس ..؟؟

[عمر اللهيميد]

بعض مواضيع (( الهايد بارك ))









ماهي الماده التي يصنع منها قلم الرصاص ؟؟؟




اخاف دخلت غلط :)















عمر اللهيميد ___ الجهراء

[فــردوس الــغــلا]

الماي الرصاصي


:p

:D

:eek:

:)

الجواب الصحيح ( الجرافيت)



س.. هل جربت الفراق يوما ..؟؟

[عمر اللهيميد]

هههههههههههههههه الله يخلي قوقل
















وشبعت منه













ماهي ادوات التقييم ؟؟؟




















عمر اللهيميد ___ الجهراء

[فــردوس الــغــلا]

إجابة من الذات وربي..


أدوات التقييم ؟؟

على حسب العمل المراد ..؟؟


س.. وش فيك مدرس اليوم ؟؟؟

[تكفيني الذكرى]

س.. هل جربت الفراق يوما ..؟؟

.
.
وذقت طعمه

ولكن هل قرأت قصيدة و اثرت فيك ؟اذكر بعض ابياتها

[فــردوس الــغــلا]

نعم ولها ذكرى لا تُنسى بقلبي




ادري تبيني وادري الوجد غلاب


وادري ابيك ولكن الحلم حسره

[فــردوس الــغــلا]

س.. هل يحفف الشعر من همك ..؟؟

[تكفيني الذكرى]

نعم
و بشكل لا يوصف

ماهي أخر هدية تلقيتها؟ اذكرها إن لم يكن هناك مانع

[فــردوس الــغــلا]

قبل أمس

تليفون e72

من أمي الله يخليها لي..

[فــردوس الــغــلا]

س .. هل تفضل الأغاني الرومانسية أم الحزينة؟؟

[تكفيني الذكرى]

الحزن يغلب على اكثر الاغاني اللي اسمعهامع اني اهتم بالكلمات اكثر

وهالاغنيه تشبعني حزن

http://www.mazika.in/singer1996-song37255



س/بعد ماتسمع هالاغنيه قل رايك فيها؟

[فــردوس الــغــلا]

الله يخليك تكفى لا تفارقني
روحي من الهم بعدك من يواسيها

ذوقك أراهن عليه دوما ..

[فــردوس الــغــلا]

س.. متى نزلت دموعك معبره عن الفرح ..؟؟

[اشواق]

قبل اسبوع تقريبآ ....

زارتني وحده بالمدرسه ماشفتها صار لي سنه تقريبآ ....

[اشواق]

قصيده اشبعت ذائقتك !!!

[فــردوس الــغــلا]

سـافــر واخــذ قـلــبــي مــعــك ويـــن مــارحــت
اخــذه مــعــك فـــي غـيـبــتــك وش ابـيــبــه .؟؟
يـمــكــن مــعــك يــرتـــاح لاشــافـــك ارتــحـــت
يـــمـــكـــن يــجــيـــبـــك لـــــــي ولا تــجــيـــبـــه
امـــــا انـــــا لا رحـــــت مـــعـــذور لا طـــحــــت
يــاكــبــرهـــا فـــرقــــا حــبـــيـــب لــحــبــيــبـــه
مــن فـــوق تـقــلــب غـيـبــتــك دنـيــتــي تــحــت
عــنـــدي غــيــابــك هــــم واكــبـــر مــصــيــبــه
غــــلاك شــوفـــه داخــلـــي مــنــحـــت نـــحـــت
قــطــعــت قــلــبــي كـــــل مــطــريـــت غــيــبـــه
مـلـيـون ضـيـقـه ان جـيـت عـن خـاطـري زحـت
ارجــــع فــديـــت الــيـــل يــــوم تــحــكــي بـــــه
لــلــه ادعــــي كــــل مـامــســيــت واصــبــحــت
اجــعــل نـصـيــبــي واجـمــعــه مـــع نـصــيــبــه
شـفـنــي قـبــل لاتــروح مــن ضـيـقــتــي بــحــت
واهــديــت لـــك غــالـــي بـحــشــمــه وطــيــبــه
قـلـبــي يـبــيــك اخـــذه مــعــك ويـــن مــارحــت
لـــكــــن امـــانــــه لا رخـــصـــتـــه تــجــيـــبـــه

[فــردوس الــغــلا]

س.. كلمة تصف بها شخص غالي عليك ...؟؟

[اشواق]

انتي اغلى كنوز الارض >>الى صديقه ..

[اشواق]

هل انتابكـ الغرور يومآ ما !!!

[تكفيني الذكرى]

لم أشعر به قط

[تكفيني الذكرى]

لمن تقول هذا البيت
والله لو أدري انك مرافقني على حاجه
لقضبك حاجتك وأقول فارقني

[اشواق]

وحدهـ بصفي دابله جبدي كل يوم تبيني اعطيها دفاتري عشان تكمل دفاترها ....

وكله تبيني اغششها ....ابلشتني والله >>>مو انا موت الشطاره الحين خخخخخخخ

[اشواق]

انسان لو توزنه بذهب ما يكفيه !!!

[فــردوس الــغــلا]

لو يقاس بروحي وما املك
من نبضات فلن أوفيه نقطة في بحر ما
فعله لأجلي

والدي

[فــردوس الــغــلا]

س.. شخص دمعةٌ من عيناه تفقد الفرح بأكمله؟؟

[هواجيس قلبــي]

..توأمي المختلف...شلون توأم ومختلف ...>>>قصة طوووووويله ههههههههه

اكيد ربيعتي و صديقة عمري ((....)) اللي بس تغووورق عيونها

من اي شي حتى لو من الهوا افقد الاحساس بأكمله..والله


س / شخص عرفته و تمنيت لو كنت تعرفه من زماااااااان ؟

[اشواق]

بكل صراحه وبدون مجامله ...

حبيبتي الغاليه ...(تغاريد)

معرفتها عطتني الكثيييييير بحياتي ....

:)

[اشواق]

شاعر تشعر انه يستحق لقب شاعر هذا الجيل !!

[عمر اللهيميد]

لاتعليق الشعراء كثر والاذواق مختلفه



شكرا اشواق على التوريطه :)







ماهو اجمل احساس ؟؟
















عمر اللهيميد ____ الجهراء

[اشواق]

نشوة الانتصار

[اشواق]

اغنيهـ علقت معاك فترة !!

[عمر اللهيميد]

ردي عليا ياهوى البال ردي /// والا بعد هذا تراني خطيري

يظلم علي البيت ساعه تصدي // واطيح مغشين وانا في سريري

حدك تراك اوقفتني عند حدي /// ياصاحبي كلن بامره بصيري

واعرف تراني حب نوع التحدي /// واتعمده مرات مهما يصيري






كلمات // علي القحطاني .... غناء ... عيسى الاحسائي
















عمر اللهيميد ___ الجهراء

[عمر اللهيميد]

متى تذكر الماضي ؟؟















عمر اللهيميد ___ الجهراء

[هواجيس قلبــي]

خوووووش اغنية اخوي / عمر ... كلماتها عجيبه شلوووون ما تعلق معاك ههههههههه :)


س/ شاعــر تحب تسمع لجديده اول باول ؟؟

[اشواق]

عمر اللهيميد

أحمد ندا

ماجد الخالدي

[عمر اللهيميد]

عمر اللهيميد

أحمد ندا

ماجد الخالدي






متابعتج لي يااشواق تزيدني فرح وسرور


عسى ربي يحفظج













عمر اللهيميد ____ الجهراء

[اشواق]

قصيده اوبيت تشعر بأنها كتبت من اجلك !!

[عمر اللهيميد]

تذكرت من يبكي عليا فلم اجد ///// سوى السيف والرمح الرديني باكيا




مالك بن الريب التميمي //// رحمه الله














عمر اللهيميد ____ الجهراء

[عمر اللهيميد]

بيت شعر تحس انه يكتب حالتك الوجدانيه



















عمر اللهيميد ___ الجهراء

[هواجيس قلبــي]

في ذمتي لوو تطلب الــــــروح تفداك
ما دامها روحي وانا اقدر عليهااا

[هواجيس قلبــي]

س / شي سويته و لليوم ندمااان عليه ؟؟؟

[الريم الظفيري]

امممم..

موافقتي..

[الريم الظفيري]

شنو الشي اللي عند غيرك وتشوف ان المفروض يكون لك..؟

[هواجيس قلبــي]

والله مافي ... واللي عندي مرضيني ... ولله الحمد :)


س / شخص بحياتك يستاهل كلمة (( أحــــــبــــــك )) ؟؟؟

[الريم الظفيري]

ابوي وامي وولدي واخواني.. والجدة>>> عشان ما احصل طقة من عصاها..

[الريم الظفيري]

هل تضربك جدتك وانت بهذا العمر>>> معاناة

[هواجيس قلبــي]

ممكن ليش لا ههههههههه

مسكينه اختي الشامخة احس جدتج وهي تسولف معاج

بس قاعدة وتطبطب عليج بعصااها هههههه>> الله يكون بعونج ويخليها لج


س / هل تفقد اخبار منتدى فراديس اي صاار ضروري عندك تمر و تلقي نظرة فيه؟؟ وليش ؟؟

[الريم الظفيري]

الجدة الله يصلحها كل سوالفها بعصاها.. واللي يجرح تطقني قدام ولدي وهو يضحك الحقير..
المهم..
الفراديس صار روتين يومي رائع.. لاني كنت معاه من بداياته..
واحس كل الاعضاء اصدقاء لي..
ومالي غناة عن الفراديس

[الريم الظفيري]

رايك بالفراديس بكل صراحة..؟

[تكفيني الذكرى]

منتدى فراديس
لك في حياتي حساب

[تكفيني الذكرى]

سؤال ودك تطرحه على عضو وتبي منه اجابه صريحه

[فــردوس الــغــلا]

لك أخي الرائع ..

متى يدق موعد النسيان ..؟؟

[تكفيني الذكرى]

مستحيل أنساه لو حتى قويت ... وأن قويت أنساه نسيانه صعب

[تكفيني الذكرى]

لـــ من تقول هالعباره
افاااا
وشفيك طفيت عقب ماكنت شمعه المنتدى
لحقك التعب ولا مليت

[اشواق]

لـ بدر موسى ..

[اشواق]

تاريخ لن تنساه ما حييت !!!

[تكفيني الذكرى]

16\7\1423هـ
لازلت محتفظ بالكرت

[تكفيني الذكرى]

ضع كلمة (صح) أمام العباره الصحيحه وكلمة (خطأ) أما العباره الخاطئه فيما يلي:
1- في هالزمن نسيان الاحباب عادي ( )
2- من خان لجلك يخونك ( )

[الــذآهـــبـهـ]

صعب موبي أجآوب :)

اللي بعدي يجاوب

[تكفيني الذكرى]

ينتقل السؤال للي بعدها

[عبير العبداللهـ]

1- في هالزمن نسيان الاحباب عادي ( خطأ)
2- من خان لجلك يخونك ( صح)

[عبير العبداللهـ]

س: كم مرة ندمت / ي بحياتك؟

[تكفيني الذكرى]

مرة واحده
تدرين متى يوم
اعلنت حبك لين كلٍ تمناك
غلطة وغيري من خطاي استفادي

[تكفيني الذكرى]

س\ موقف مر عليك تمنيت ان الارض تنشق وتبلعك؟
طبعا موقف طريف

[الريم الظفيري]

اليوم الجدة تمادت وطقتني قدام الخال والحقير ولدي يضحك.. يقول ماما ليه بس تطقج..

[الريم الظفيري]

عضو تتمنى تشوفه خارج بالمنتدى..؟

[تكفيني الذكرى]

كل اعضاء المنتدى
ويشرفني

[تكفيني الذكرى]

س\ لو قلنا لك غير لون المنتدى وش تختار؟

[} ﻣـۇآدْﻋـڪ خْيـرَﻫ ~]

آآفـضـل آللون الاسـود ~

س / مـآ هو آعظـمـ جرررح دفنتـه !؟

[تكفيني الذكرى]

الغدر من شخص
دمنا واحد واسمنا واحد

[تكفيني الذكرى]

هل هناك اسباب لحزنك؟ اذكر سبب واحد دون تفصيل؟

[الريم الظفيري]

اسباب كثيرة.. ابرزها..
تسرعي بالرد.. مما سبب لي الالم الكبييير

[الريم الظفيري]

يوم ما تنساه؟... وليه..؟

[فــردوس الــغــلا]

29 / 7

لو العمر بكيفي رديت لليوم هذا أو
وقفت الوقت والحياة وخليت هــ اليوم
ما ينتهي ..

[فــردوس الــغــلا]

س.. أحلى يوم مر عليكـ
متى ؟ (( يعني كم كان عمركـ ))..؟؟

[اشواق]

الاثنين ... 24\11\2008

[اشواق]

شخصيهـ تقتدي بها !!!

[الــذآهـــبـهـ]

أفكورس الرسوول وبس

[الــذآهـــبـهـ]

عبر/ـي عن رأيك فيمآ يلي :


( الإنحطآط في التفكير يؤدي إلى القمـهـ )

[الريم الظفيري]

كلام جداً واقعي.. وابسط مثال ..
المسلسلات اللي للاسف منحطة ومبتذلة.. ابطالها صارو بالقمة

[الريم الظفيري]

هل شعرت احياناً.. بأنك ظالمـ \ـــه..؟

[الــذآهـــبـهـ]

أي بـ الدرجآت ..
لأني ظلمت مرهـ طآلبهـ والسبب رئيسة قسمي

"

عطرك الفضل ؟

[الريم الظفيري]

ألـــــووور

[الريم الظفيري]

طلب انجبرت عليه ونفذته...؟

[عمر اللهيميد]

الفرااااااق










منو يقدر ينزل مقاطع صوتيه وفيديو بالمنتدى :)
















عمر اللهيميد ___ الجهراء

[الريم الظفيري]

قوقل يساعدك بهالشغلة..

[الريم الظفيري]

شنو ودك تنزل..؟

[عمر اللهيميد]

قصايد لي صوتيه وفيديو وماعرف من اليوم احوس :(
















اذا ممكن تساعديني لاهنتي

















عمر اللهيميد ___ الجهراء

[الريم الظفيري]

شنو تسوين وانت زهقااانة..؟
السؤال موجهة للعضوات لان الشباب معروفين يدقون سلف ويطلعون.. بس البنات مقاريد

[فــردوس الــغــلا]

أشخبط بالأوراق وأكتب
قصة حياتي :)

[فــردوس الــغــلا]

س. هل عشت حالة ندم ..؟؟

[الريم الظفيري]

ايه والله وقاعدة اعيشها الحين وبهاللحظة

[الريم الظفيري]

ماعلاج الندم..؟

[اشواق]

الاستغفار .....:)

[اشواق]

فئة تشعر بالانتماء التام لها !!!

[فــردوس الــغــلا]

الفراديس ومن سكنها

[فــردوس الــغــلا]

هل تفتقد شيئا ما؟؟

[الريم الظفيري]

ايه والله..
افتقد اختي..>>> عسى ربي يوفقها

[الريم الظفيري]

هل لاحظتــ\ــي..
ان تغاريدر لها مدة ماتدون اسمها بالبدليات

[فــردوس الــغــلا]

نعم وحتى ما تدون ليس بدليه
بل هي لم تضع المسافة
بين الحروف :)

[فــردوس الــغــلا]

س ... أريد منكـ أن تصف الأسبوع الماضي
بكلمة واحدة تصف فيها حالكـ ..؟؟

[عبدالرحمن الدريب]

نشاط وتعـــب

[اتعبني غروري]

شنو احلى لحظه كانت بحياتك ؟؟

[فــردوس الــغــلا]

لحظة لقا لن أنساها طيلة عمري

[فــردوس الــغــلا]

موقف لم تنساه ولن تنساه ؟؟؟

[اتعبني غروري]

يوم امتحانات رابعه ثانوي

[اتعبني غروري]

اقرب الناس اليك ؟؟

[فــردوس الــغــلا]

والدي فهو مرآتي الحقيقية

[فــردوس الــغــلا]

متى بكيت فرحا ..؟؟

[اتعبني غروري]

يوم ابوي رجع من الحج

[اتعبني غروري]

اقوى صدمه بحياتك ؟؟

[سدن]

يووم قال لي الدكتور عن حااالة امي الله يشاافها ويخليهاا

[سدن]

شنوالقرار الي تخذته وندمت ؟

[اتعبني غروري]

اني دشيت كلية التربيه ؟؟

[اتعبني غروري]

جم عمرك ؟؟

[سدن]

عمري

20

[سدن]

شيء لا تستغني عنه يوميا

[اتعبني غروري]

الكاااااكاو

[اتعبني غروري]

شي ودج تغيرينه بحياتج ؟؟

[سدن]

نووومتي لانهاا مقلووبه

[اتعبني غروري]

شي ودك تسويه بس خااايف ؟؟

[سدن]

ودي أغيب باجر بس خايف الدكتور يعطيني انذار >> واايد أغيب

[سدن]

شنوو عشااكم اليووم؟ >> :d

[الريم الظفيري]

امــــــــــــــــــــوش (عيش وماش) من يدين الوالدة>>> ربي يطول بعمرها

[الريم الظفيري]

اممممم..
ليه سهرانة...؟

[سدن]

عواافي ياارب
والله يخليلج الوالده

[سدن]

مااجااني نووم
ولان عمر اللهيميد بالسجن

[الريم الظفيري]

الله يجزاج خير

[سدن]

امممم

شنو الصفه الي تكرهينها بنفسج ؟

[الريم الظفيري]

طيبتي الزايدة حيييل عن حدها..

[الريم الظفيري]

متى تبكيــن؟؟...

[سدن]

اذا كنت مظلوومه ولا اعرف ادافع عن نفسي

[الريم الظفيري]

سؤال للرجل...
مامعنى المرأة بالنسبة لك..؟

[طراد السويدي]

الحيــــــــاة






ماهو أقرب موقف محرج حصل لك ؟

[سدن]

موقف لا تنساه ابدً ؟

[سدن]

يوم رحت اسلم ورقة لامتحان لدكتور وطحت قبل اسلم الامتحان جدامه
عاد حزتهاا بجييت والدكتور يقول عاادي كلنا نطيح موبس انتي

[الريم الظفيري]

قبل ايام المراهقة.. طالعة من امتحانات الثانوية حر وزهقانه والامتحان دسم.. ومنلعن خيرنا
شفت سيارة الوالد وركبت لا احم ولادستور..واطول على المكيف.. واشكي واتحلطم وهني من فارقج يهالمدرسة... الا الرجال يقول نعم يايبا شكلك مغلطة بالسيارة..:eek::eek:
ولليوم ابي اتذكر شلون نزلت منه ورجعت للمدرسة ..مااذكر بس اللي اذكره نسيت كتابي عنده ونحشت
:D:D

[سدن]

شخص تتمانا وجوده معاك ؟

[عبدالرحمن الحبلاني]

ابتسامتي . .

[اتعبني غروري]

منو اكثر شخص تراتاح معاااه

[فــردوس الــغــلا]

نصفي الثاني

[فــردوس الــغــلا]

شي لازم تسويه كل يوم؟؟

[سدن]

النووووووم >> خخخخخخخ

[سدن]

اللي بعدي متى اخر مره نزلت دمعتك وشنو السبب ؟؟

[عبدالرحمن الحبلاني]

قبل كل جبرة خاطر كانت دمعه نازله
والاسباب تتنوع ولكن تبقى العزه هي الاساس :)

[عبدالرحمن الحبلاني]

متى تحس بحتياجك ان تقول وبصوت جريح..

إلى متى تعبت..؟

[فــردوس الــغــلا]

عندما أكتم مشاعري

[فــردوس الــغــلا]

أكتب اول حرف من اول شخص يطري
على بالكـ الحين؟؟

[عبدالرحمن الحبلاني]

ربما سأكتب حروف
الغياب كي اكون اكثر صدقاً

[فــردوس الــغــلا]

وأين السؤال يا عبدالرحمن
(حلم لا ينتهي)

؟؟

[عبدالرحمن الحبلاني]

ماهي اكثر الورود قسوّه ووجعاً في بساتين الحب.؟

[فــردوس الــغــلا]

هي شوكٌة وليست وردة


(( الخيانة ))

[الــذآهـــبـهـ]

وين السؤآل :)


طيب اللي بعدي


شسم خدآمتكم ؟!

[طراد السويدي]

أسمها نانسي وهبي بنت خالة هيفاء عجرم


شفتي كيف متطورين :)




مممممممم عندنا عقده مع الخدامات كل نهاية سنه
نسفر وحده ونجيب غيرها صرنا مثل مباريات الدوري

كل آخر موسم يهبط فريق ويتأهل فريق :)



المقردوه الآن اسمها ميمي يمااااامي ع الاسم هههههههه

[طراد السويدي]

اللي بعدي .. اذكر لنا موقف طريف أيام طفولتك .. :)

[فــردوس الــغــلا]

ما اذكر عشاي أمس
:)

[فــردوس الــغــلا]

اكتب / ي اول حرف من شخص ابالك ؟؟

[الــذآهـــبـهـ]

هههههههههههههههههه طرآد


حرف => م


اللي بعدي نفس السؤال :)

[اشواق]

حررف

sh



اللي بعدي

اخيس درجهـ جبتها ايام المدرسهـ ؟؟؟>>ترا السؤال مو حقير :p

[المزيونة]

9 من 25
واللي بعدي شنو الشي اللي غير حياتك؟

[اشواق]

توأم روحــي

[اشواق]

س| اغنيهـ علقت معاك فترهـ ؟؟؟

[الريم الظفيري]

مع اني مااحب اسمع اغاني..
لكن اغنية رهيب عبد المجيد عبدالله

[الريم الظفيري]

العضو اللي يعجبك في الفراديس..؟

[**كايدتهم**]

دلوعه ابوها ........
س :: كــم عمـــــرك

[الريم الظفيري]

ويييييه..
غيري السؤال..؟

[اشواق]

كايدتهم
سؤال توهيقه خخخخخ



س\ أكثر موضوع شدكـ بالفراديس ؟؟؟

[دلوعة ابوها]

دلوعه ابوها ........
س :: كــم عمـــــرك


كاااااااااااااااايدتهم.

اقـــــــــــــــــــووووووووول العمـــــــــــــــربس شرط؟

يكـــــــــون مومزيـــون يلحقنـــــه البنااات يعني مو جيكــــــر اتروع من خشتـــــه مملوح((عشااان مااغااااار عليه))

راعــــــــــي دوانــــــــــــيه

كـــــــــــريـــــــــــم((مومفاااااااااشري))

كل سنــــــــــة في مكــــــــه يودينــــــــي

لحيتــــــــــــه واصلـــــــــــه لكرشته

مطبــــــــــــق السنــــــــــه

اذا هــــــــوووووووووووو موجووود(((موافقه)))

ووجع

عمري
كبرج
وحده بوحده

21